مامۆستایێن قوتابخانەیێ سروود و هۆزانێن نەتەوەیی و شۆرەشگێڕی بۆ مە دگۆتن
دیدار: رەمەزان دەشتمری/ زاخۆ
3 – 5
ئینا مەلا حسێسنی گوت: ڕاوەستە ئەز دێ بوتە نامەیەكێ نڤیسم و دگەل خۆە ببە و هشیاربی ل دەڤەرا گوندێن مەڕا نە دا كەسێن نیاس تە نەبینن. ئەز هاتم دەف برایێ خۆە هازمی و ئەم دگەل ئێك هاتین بۆ ناڤ بازارێ زاخۆ و شوفێك ترومبێلێ ب ناڤێ گوری دیت و ناسكر و گوتێ: ئەڤە برایێ من عەبدولڕزاق دێ بۆ ژدەرڤە چت و هەر نوكە تو ب گەهینە بۆ ناف دەڤەرا بەرواریا. هەر ل ئەوی دەمی ئەز و برایێ خۆە هازم ل ترومبێلا گری یا ژ جورێ لاندروڤەر سیاربین و بۆ جادا تلكەبەری و بۆ ناحیا باتیفا چوین و ل پرا گوندێ بێگوڤا دەربازبین و هەتا ئەم گەهاندین گوندێ دشیشێ. ئەز تەسلیمی مالا پیرو هروری كرم ئەو زڤرین ئەز ل مالا مام پیرو وگوتنێ ئەڤی كەسی هوین دێ تەسلیمی پێشمەرگەیی كن. ئەز ل ئەوێ شەڤێ ل مالا مام پیرو ل گوندێ دشیشێ ماین و ل ڕۆژا دیتر پشتی نیڤرو كورێ مام پیرو ناڤێ وی رەمەزان بی دگەل من هات و ئەم ل پشت خالا عەسكەری ئەوا ل سەر جادا گشتی دەربازبین و بۆ گوندێ خشخاشا هاتین و بۆ گوندێ چەمسەیدل هاتین و هەتا ئەم گەهشتین گوندێ بازێ و چوین مالا موختارێ گوندی لێ بینە مێهڤان. موختارێ گوندی كەسەكی مەسیحی بی و ناڤێ وی وەردە دانیال بی و گەلەك قەدرێ مەگرت. دەمێ ئەم ڕوینشتین خوار و موختاری ب خێرهاتن ل مەكر و گەلەك كەیفا خۆە ب مە ئینات. رەمەزانی گونە موختاری ئەڤ زەلامە تەسلیمی تە كو تو ب گەهینی بۆ ناف پێشمەرگەیی.موختاری گوتە رەمەزانی: مامو هەما تو هەڕە ب خێر بچی و سلاڤێن من ب گەهینە بابێ خۆە و بێژێ: ئەمانەتێ وی گەهشت. پشتی من پچەكێ بێهنا خۆە ل مالا موختاری ڤەدایی و كورێ موختاری ناڤێ وی خوشابەبی و دگەل من هات ئەم بۆ گەلیێ گوندێ بازێ چوین هەتا ئەم گەهشتین بۆ سەرێ گەلی و خوشابەتی ب دەڤی چەند فیتی ب دەڤی ڤەدان و من بەرێ خۆە دایێ دوو پێشمەرگە ژ هەشارێ دەركەفتن و بۆ لایێ مەڤە هاتن و سلاڤی مەكرن. ئەوانا ئێك و دوو ناس دكر و خوشابەیی گوتە ئەوان هەردوو پێشمەرگەیان ئەڤە یێ هاتی دێ بیت پێشمەرگە و ئەڤە من تەسلیمی هەوە كر. ل وێرێ خوشابەیی خانرا ژخۆە ژمە خواست و بۆ مالێ زڤڕی و ئەز ژی چووم بۆ ناف پێشمەرگەیی ل ئەوی دەمێ مەفرەزەیەكا پێشمەرگەیی و حزبا شیوعی دگەل ئێك بین. و ناڤێ بەرپرسێ پارتی یێ ئەوێ مەفرەزێ ئیسماعیل بامەرنی بی. دەمێ ئەم دگەل ئێك ڕوینشتین خوار و من بێهنا ئازادیێ هەلكێشایی ئەڤ پێشمەرگەیێن حزبا شیوعی گوتنە من: تو وەرە دگەل مە ببە پێشمەرگە و دێ چەكەكێ دەینە تە. ئەڤێ ئامر مەفرەزێ پێشمەرگەیێ پارتی گوتە ئەڤێ شیوعی: ئەڤە كەسەكی پارتی یە و دێ دگەل پارتی بت پێشمەرگە. بۆ ماوێ دوازدە ڕۆژان ئەم دگەل پێشمەرگەیی وەكو جەولە ل دەڤەرێ ماین. ئەوبی سێ كەسێن دیتر ژی بۆ ناف شوڕەشێ هاتبین و پاشی چوار پێشمەرگە دگەل مە هنارتن و د ڕیكا گوندێ ئەلكیشكێ و گوندێ ئورە و بۆ لقی ئێك ل كوماتەیی هاتین.دەمێ ئەم گەهشتین و ئەم تەسلیمی خالا زیندانێ كرن كو ل ئەوی دەمێ سەعید دمبو بەرپرسێ خالا زیندانێ بی.بۆ ماوێ هەشت رۆژان ئەم ل ئەوێ خالێ ماین و مە بێهنا لێ ڤەدا و پاشی ئەم هاتین بۆ دەف سەعید دمبو و پرسیار ژمەكرن و بوچی و چەوا ئەم بۆ ناڤ شوڕەشێ هاتینە. دەمێ گازی من كری و من ئەو كاغەزا مەلا حسێن نڤیسی و دا دەستێ سەعید دمبویی و دەمێ ئەو كاغەز ڤەكری و خواندی و گەلەك كەیفا وی ب ئەوێ كاغەزێ هات و گەلەك قەدرێ من گرت. پشتی بورینا دوو ڕۆژان جارەكا دیتر سەعید دمبو و دگەل سەید حەمید كازی من كر و هندەك پرسیارێن خوارێ و مالا مە و ڕەوشا باژێڕی ژمن كرن و من1ژی بەرسڤا واندا. پاشی ئەز بۆ دەف حەبیب كەلەش هنارتم و ئەز هەتارتن بۆ خالا زێرەڤانیێ و بەرپرسێ زلگەها كوماتەیی. بۆ ماوێ سێ هەیڤان مە سێ كەسان مە زێرەڤانی ب تفەنگەكا برنۆ نوبەداری دگرت. پشتی بورینا سێ هەیڤان ئەم بۆ بێهنڤەدانێ یۆ دەڤەرێ هاتین. دەمێ ئەم بۆ لیژنا ناوچا زاخۆ ل گەلیێ گەڤەڕوكێ هاتین كو ل ئوی دەمی عەڤدلێ محو چونكی ژ زیندانێ بەردابین و وەكی كەیفەكێ بۆ هاتبی دەینانو برایێ وی چەند گولە ب كلاشینكوفێ هاڤێتبین و چەك ژ دەستێ وی دەركەفتبی و چوار كەس هاتبین كوشتن و ل ئەوێ شەڤێ مالا قاسمێ حامدی ماین و ل ڕۆژا پاشتر بۆ دەڤەرێ هاتین و هەتا بۆ جهەكێ دجبێژنێ: شكەفتا كەرا كو خالەكا پێشمەرگەیی ل ویرێ بی. هندەك كەسێن شارەزایێن ڕێكێ دگەل مە هاتن هەتا ئەم گەهشتین بۆ گوندێ كەشانێ و ب شەڤێ هاتن بۆ گوندێ مەلا عەرەبی و ئەم هاتین بۆ گوندێ بەرزیركێ گەهشتن شەهید محو گەودا و شەهید محو گوت: هەتا تو دێ دگەل مە ئێ ئەم دێ بۆ جەولێ جینە دەڤەرێ و ئەز مام دگەل هێزا محو گەودا و بۆ دەڤەرا گوندێن كوڕكا و بلێجانێ چوین. ئەوبی بڕیار دان كو پێشمەگەیێن ڕێكخراوا شەهید محمودج یوسف ب سەرپەرشتیا شەهید محو گەودا و ڕیكخراوا شەهید شەهباز سالح بریاردان كو چالاكیەكا لەشكەرێ ل دەڤەرا زاخۆ ئەنجام بدن. دەمێ ئەم بۆ دەڤەرا زاخۆ هاتین و ڕەبیەك ل دەڤەرا گوندێ متیفا هات پێشچاڤكرن و ل شەڤەكێ ئەم بۆ لێدانا ئەوێ ڕەبیا هاتی دەستنیشانكرن پێشمەرگەیی لێدا، بەلێ ئەو ڕەبە نەهات ڕاكرن و ئەم جارەكادیتر پاشدا بۆ دەڤەرا بەرخابیری زڤڕین. پاشی بۆ دەڤەرا دهوكێ چوین هەتا گەهشتین گوندێ بێسفكێ و ل ئەوی دەمێ ناڤێ ریكخراوا مە ب ناڤێ شەهید محكود یوسف بی و بەرپرسێ ڕێكخراوێ شەهید محو گەودا بی و جێگرێ ڕێكخراوێ شەهید نوری خدر بی و كادرێ ڕیكخراوێ شەهید ئیبراهیم یوسف بی و ریكخراوا شەهید ئەحمەد حاجی حسێن بی و بەرپرسێ وێ فەرماندە سادق گەلناسكیبی و برێیار دان ئەڤ هەردوو ڕێكخراوە چالاكیەكا لەشكەری ئەنجام بدن. پشتی ناحیا مانگێشكێ و دگەل بارەگایێ ئەمنا مانگێشكێ و بارەگایێ مونەزەبا حزبا بەعس هاتن بەرچاڤكرن و دگەل ڕۆژئاڤا ب چەكێ دوشكێ و ب گولەیێن ئاربیجیان ئەڤ هەردوو جهە هاتن ب دەستێن پێشمەرگەیی هاتن گولەبارانكرن و ئەم جارەكادیتر بۆ دەڤەرا گوندێ دێركێ بۆ هەشارێ هاتین. پشتی دوو ڕرژان ئەم ل جەولێ ماین جارەكادیتر ڕێكخراوا مە بۆ دەڤەرا گوندێ كوڕكا و بلێجانی هاتین و د ڕیكا گوندێ ئاڤهێ و زرێزێ بۆ دەڤەرا حەفتەنینی هاتین و گەهشتن بۆ بارەگایێ لیژنا ناوچا زاخۆ و ئەڤ ماوێ ئەز بەحس دك مكو ماوێ سێ هەیڤ دەرباز بین كو ئەز ب ناڤێ دەستوردانا بێهنڤەدانێ هاتبیم بۆ دەڤەرێ و مە بێهنڤەدان نەكر. دەمێ ئەم گەهشتین بۆ بارەگایێ لیژنا ناوچا واخۆ شەهید محو گەودا گوتە لیژنێ ئەز حەزدكم كاك عەبدولرزاق حەسو و عەبدولستار محو بۆ ڕیكخراوا مە بێن ڤەگوهاستن.
