مامۆستایێن قوتابخانەیێ سروود و هۆزانێن نەتەوەیی و شۆرەشگێڕی بۆ مە دگۆتن
دیدار: رەمەزان دەشتمری/ زاخۆ
5 – 5
بەلێ فروكەیێن هەلیكوپتەر ل سەر مە هلنەبین. ئەوبو ئەم بۆ لیژنا ناوچا زاخۆ و ڕێكخراوا مە یا شەهید مەحموك یوسف و دگەل پێشمەرگەیێن ڕێكخراوێن سەر ب لیژنا ناوچا زاخۆ بۆ گەلیێ سەناتێ چوین و مە بارەگایێ پارتا گەل ژ وێرێ ڕاكر. بەلێ ب مخابنیڤە پێشمەرگەیەك یێ رێكخراوا مە ب ناڤێ محسن چەلەبی عیسا هات شەهیدكرن و چەند پێشمەرگەیێن دیتر برینداربین و جەنازێ شەهید محسن چەلەبی مە ل گەلیێ بیتەلمان ل دەڤەرا حەفتەنینێ هات ڤەشارتن. پاشی رێكخراوا مە ژ لیژنا ناوچا شێخان بۆ بارەگایێ لقی ئێك هات ڤەگوهاستن و بێ ڕیكخراوا هێزا دەست وەشین كو ل سنورێ هەمی لیژنێن سەر ب لقی ئێك ڤە جەولێ لێ بكین. ئەوبی ڕیكخراوا مە یا شەهید محمود یوسف بین دوو ڕیكخراو و فەرماندە نوری خدر بێغەباری بێ بەرپرسێ ڕیكخراوا ڕزگاری سەر ب لیژنا ناوچا زاخۆڤە و ل ڕۆژا 10/7/1982ی ئەم بیم كادر دگەل ڕیكخراوا شەهید مەحمود یوسف هەر سەر ب لقی ئێكڤە و مە هەژمارەكا چالاكیێن لەشكەری ئەنجامدان. ئەوبی ڕیكخراوا مە یا شەهید مەحمود یوسف و ب سەرپەرشتیا جێگرێ ڕیكخراوێ و دگەل هەژمارا حەفتێ پێشمەرگەیان بۆ ڕۆژهەلاتا كوردستانێ چوون و بۆ ماوێ شەش هەیڤان ل دەڤەرا قەندیلی دئەركیدا مان. ل ڕۆژا 1/7/1983ی ئەم بۆ دەڤەرا گوندێ دەشتمرێ و گوندێ گرزێوكی هاتن و مە ڕەبیەكا عەسكەری ل هنداڤی گوزندێ دەشتمرێ پێشچاڤكر و كو ئەم ئەوێ ڕەبیێ راكین. جارەكادیتر بۆ دەڤەرا گوندێ ئەرمشتێ هاتین بەری كو ئەم ل ئەوێ ڕەبیێ بدن بروسكەیەك هات كو ڕیكخراوا مە ب سەرپەرشتیا فەرماندە شەهید محو گەودا بۆ ڕۆژعەلاتێ كوردستانێ بچن. مە كارێ خۆەكر و ئەم بۆ دەڤەرا قەندیلی چووین و ل وێرێ میحوەر هاتن دروستكرن و شەهید محو گەودا بێ بەپرسێ میحوەرەكێ و زهێر بامەرنێ بی جێگرێ میحوەری و ئەزژی بیم ئەندامێ میحوەری بەرپرسێ ئیداری. ئەم بۆ ماوێ هەیڤ و نیڤا ل سەرێ چیایێ قەندیلی ماین و پاشی ئەم بۆ بارەگایێ مەكتەب سەروك چوین و دگەل سەروك مەسعود بارزانی ل گوندێ كونالاجان ماین. جارەكادیتر بۆ كێلەشینێ هاتنن و ل سەر كێلكا سنوری فروكێن هەلیكوپتەر ڕەمی ل مە كر و چوار پێشمەرگەیێن برینداربین ئەوژی پێشمەرگە( سەگڤان جانگیر،لوقمان محەمەد، تاعر ئەحمەد دولی، سالح قاسم) ئەم بۆ بارەگایێ هێزا بارزان ل گوندێ دێركمێ هاتن. پاشی شەهید محو گەودا ژی عات گەهشت مە و گوتن ئەم دێ چالاكیەكا لەشكەری ئەنجام دین و پاشی دێ بۆ دەڤەرێ ڤەگەڕین.ئەوبی پێشمەرگەیێن لقی ئێك و پێشمەرگەسیێن هێزا بارزان ب سەرپەرشتیا فەرماندە سەعید نادر و فەرماندە بابەكر زێباری سەرپەرشتیا ئەڤان هێزا دكر. ئەم هاتن بۆ دەڤەرا سیدەكان و نێزیكی عەسكەرێ حكومەتا ئیراقێ بین. ئەوبی سێ ڕەبیێن عەسكەری هاتن پێشچاڤكرن وهێزێن مە و دگەل هێزا پازدارێن ئیرانێ مە ل ئەوان هەرسێ ڕەبیا دان ئەوبی ل شەڤا 17/11/1983ی مە هاڤێتن ئەوتان ڕەبیان و جارەكادیتر ئەم پاشدا زڤڕین پاشی بۆ دەڤەرا لقی ئێك هاتین و ل دەڤەرێ ماین هەتا ڕۆژا 1/1/1984ی ڕێكخراوا مە بۆ لیژنا ناوچا ئاكرێ هات ڤەگوهاستن.ل ڕۆژا 1/2/1984ی ڕێكخراوا مە ب سەرپەرشتیا شەهید محو گەودا بۆ دەڤەرا ئاكرێ چوین. مە چالاكیەكا لەشكری ل هنداڤی شێخادی ئەنجامدا ئەوبی لێدانا ڕەبیەكا عەسكەری بی و ئەو ڕەبیە نەهات ڕاكرن و دئەوێ چالاكیێ دا ئەز برینداربیم. ئەم ل دەڤەرا ئاكری ماین و ڕیكخراوا مە ببی دوو بەش و هەر جار مە ئێك و دوو دئەركی دا دگوهارت هەتا هەیڤا هەشت سالا 1984ی ئەم ل دەڤەرا ئاكرێ د ئەركی دا بین ئەوبی هێرشا عەسكەرێ عكومەتا ئیراقێ و دگەل فەوجێن جاشا نبۆ سەر دەڤەرا زاخۆ و دهوكێ هاتن و شەڕێ هەری دژوار كەتە دەڤەرا گوندێ ئەرمشتێ و گوندێ زێوكاعەبو گوندێ ئەزمانا و بروسكەیەك هات كو ئەم ل هاوارا شەری بێن پشتی دوو ڕۆژان ئەم بۆ دەڤەرا زاخۆ هاتن و ل ل بەروكگێ شەرێ ل پبنێ گوندێ ئەرمشتێ كو دبێژنێ كانیا بێزالكێ مە بەرسینگێ هێزا عەكەری و فەوجێن جاشان گرتن. ئەڤی شەری هەر ژ ڕۆژا 22/8/1984ی هەتا ڕۆژا 29/8/1984ی ڤەكێاش پشتی عەسكەرێ حكومەتا ئیراقێ گوندێ ئەرمشتێ سوتین و ب سەرشوڕی پاشدا زڤڕین. بەلێ مخابن ل ئەڤی شەرێ دژوار و بەرخوەدانێ دا نەهـ پێشمەرگەیێن قەهرەمان هاتن شەهید كرن ئەوژی ئەڤەبین( شەهید سوبحی عیسا شەریف ئەندامێ لیژنا ناوچا زاخۆ، شەهید حاجی پشو، شەهید عەلی رەشید ئەرمشتی، شەهید حەسەن ئەحمەد جانگیر بەرزیری، شەهید جەواهر ئیسماعیل ئەرمشتی، شەهید عەلی فەتاح سەرئافكی، شەهید محسن فەتاح گەرگەری، شەهید فارس سالح كەچەر، شەهید سلێمان عەمەر بایێ هادی هەوێری) و هەر وەسا یازدە پێشمەرگە ژی برینداربین ئەوژی( ئەبو شەعبو، ئوسمان قاسم، حاجی خدر، رەمەزان مژدین، بشار محێ زێوكی، ئەمین سەفەر چومتار، عەبدلستار مەجید ئەلندكی، تەحسین كەمەكی، عەبدولقەهار زێوكی و دوو پێشمەرگەیێن حزبا شیوعی بەلێ ناڤێن نەهاتن زانین. ل هەیڤا دەهـ سالا 1984ی گوهورین پەیدابین رێكخراوا مە و بۆ لیژنا ناوچا زاخۆ هات ڤەگوهاستن و شەهید مەلا رەمەزان قومری بێ بەرپرسێ لیژنا ناوچا زاخۆ و ئەم كەتن د ئەركێ پێشمەرگایەتیێ دا. هەتا سالا 1987ی ئەز بۆ ڕێكخراوا سەربەستی یا بارەگایێ لیژنا ناوچا زاخۆ هاتم ڤەگوهاستن و بیم جێگرێ رێكخراوا بارەگایێ لیژنێ هەتا ڕۆژا 25/8/1988ی حكومەتا ئیراقێ ب فروكەیێن جەنگی دەڤەر كێمیا بارنكرن و چواردە پێشمەرگە ل بارەگایێ رێكخراوا گوڤەند ل گوندێ تویكا هاتن شەهیدكرن و ئەم ب خێزانڤە بەرەف سنورا چوین و ل دەڤەرا گوندێ بەهراڤا ل جادا گشتی دەربازبین و ل پشتا كومەلگەها بێرسڤی و بۆ گوندێ بوسەلێ و گوندێ ئەڤلهێ و پیربلا ل دەڤەرا شردێ دەربازی سنوری بین. ئەوبی حكومەتا توركیا ئەو خەلكە بۆ كەمپا ئامەدێ ڤەگوهاست و مە ژیانا پەنابەریێ ل ناڤ كەمپێ دا دەربازكر.
دەمێ سەرهلدانا بهارا سالا 1991ی ل كوردستانێ سەرهلدایی ئەم ب خێزانڤە بۆ كوردستانێ هاتنو ل سەنتەرێ ناحیا باتێلێ ئاكنجی بین و بەردەوام بیم ل سەر خزمەتا پێشمەرگایەتیی و ئەركێ پارتایەتیی مە بەردەوام كر. من ئەركێ كتادریێ ل میحوەرێ لیژنا ناوچا زاخۆ و دەركاری ڕزگاری و باتێلێ ئەنجام دا ئەوبی ل دویف بریارا لقی هەشت وەك ئەندام لق بۆ بارەگایێ لقی ل بەشی پێشمەرگە و پاشی بۆ بەشی ڕاویشكاری هاتم ڤەگوهاستن و هەتا نوكەژی ل سەر كار و ئەركێ خۆە یێ خزمەتێ بەردوامم و خزمەتا گەل و وەلات بكم. ل دوماهیا ئەڤێ دیدارێ كادرێ دیرینێ پارتی عەبداڕزاق خەسو دبێژت: سەركردایەتیا پارتی و ب تایبەتی جەنابی سەروك مەسعود بارزانی خەلاتێ مەدالیا بارزانی ب من ببەخشت و خزمەت و خەباتا من یا چەندین سالان ل بەچاڤ بێت وەرگرتن و زرو سوپاس بۆ ڕۆژناما ئەڤرو و ئەڤێ دیدارا دگەل من هاتی سازكرن.
