مامۆستایەکا زانکۆیێ: ئوپوزسیونا په‌رله‌مانى نەشیايه ب دروستى کارێ خوە بکەت
ئەڤرۆ نيوز:
مامۆستایەکا زانکۆیێ ل کوردستانێ ل دۆر رەوشا پەرلەمانێ کوردستانێ دیارکر، قەیرانێن ھەرێما کوردستانێ ب دروستبوونا خولەکا نویا پەرلەمانێ کوردستانێ ب دووماھی ناھێن، بەلێ خولا نوویا پەرلەمانێ ھەکە بشێت رێکەفتنێن باشتر ل گەل بەغدا دروست بکەت، و گورانکاریان ل سەر رەوشا قەیرانێن کوردستانێ دا بھێنیت و ھندەک قەیرانان ژی ب دووماھیک بینن،ھەکە پەرلەمانێ کوردستانێ نەشێت قەیرانان ژی درەباز بکەت، و دووماھیک بینیت ھەبوونا پەرلەمان یاگرنگە ژبەر کو بەری نوکە ل ڤالاھیا دروستبوونا پەرلەمانێ کوردستانێ مەدیت چەند ئاریشە ل سەر ئێک پەیدا بۆن .
دکتورە ھێشو رێبوار عەلی ماموستایا زانکویێ بۆ روژناما ئەڤرۆ گوت: ل ھەموو حوکمەتێن دونیایێ ھەبوونا ئۆپۆزسیۆنێ یا گرنگە بەلێ ئۆپۆزسیۆنەکا دروست نەیا کەفتی، بۆ کابینا حوکمەتا نوویا کوردستانێ کو ئۆپۆزسیۆن ھەبیت باشترە ژبەرکو ل دەمێ بۆری و ل کابینا حوکمەتێ کو ب حوکمەتا بنکە فروان ھاتیە دیتن مە دیت چەندین ئالۆزی دروستبوون ئاریشە زێدەتر بوون ئۆپۆزسیۆنەک یا باشەو گرنگە ھەکە چاڤدێرەکا باش بکەت، نە ب تنێ ناڤ بیت، و چۆ کارا نەکەت، ل دەمێ بۆری ل پەرلەمانێ کوردستانێ ئۆپۆزسیۆن ھەبوو بەلێ نەشیا وەک پێدڤی کارێن خوە بکەت، ئەوا ئۆپۆزسیۆنێ بەرامبەر حوکمەتێ کری یا دروست نەبۆ ل دەمێ بۆری ئۆپۆزسیۆن ل پەرلەمانێ کوردستانێ یا سەرکەفتی نەبوو و نەشیا ئارمانجێن خوە وەک ئۆپۆزسیۆن بجە بینیت، ب مەرجەکێ ھەبوونا ئۆپۆزسیۆنێ کارێن حوکمەتێ بەر ب باشیێ و باشتریێ ببەت، نە ک ب تنێ کارێ وێ نیشاندانا تشتێ خراب و نەشرین بیت، ژ بەر کو ھەموو کارێن حوکمەتێ دخراب نینە، کارێ ئۆپۆزسیۆنێ راستەڤەکرنا کارێن خراب و لاوازە نەب تنێ نیشاندانا خرابیێ و بێ چارەسەری، باشترە ئوپزوسیونەک ھەبیت ل پەرلەمانێ کوردستانێ بۆ چاڤدێری کرنا کارو بارێن حکومەتێ بەلێ ب مەرجەکێ کارێن تیکدنانا رەوشا ھەرێمێ نەکەن، ب تنێ وەک چاڤدێر کار بکەت.
دکتورە ھێشتو گوت: ھەکە خو ەنیشاندانێن نوکە ل پارێزگەھێن عیراقێ دژی نه‌بوونا خزمەتگوزاریان دھێنە ئەنجامدان ژلایێ جادەیێ ڤە دەمێ وان درێژ ببت دێ زیان گەھن کوردستانێ ژی، بەلێ ھەکە دەمەک نزیک داخوازیێن وان بھێنە بجھکرن چۆ زیان نابن بۆ کوردستانێ.
