مامۆستایەکێ زانکۆیێ: پارتی رۆلەکێ بەرچاف ھەیە د گەشەکرنا ئابوورا کوردستانێ
ئه‌ڤرۆ نيوز:
ئێک ژ پێنگاڤێن ھەرێما کوردستانێ گەھاندیە گوپیتکا ڤەژاندنا ئابوورا ھەرێما کوردستانێ سیاسەتا پارتی دیموکراتی کوردستانە و وەک مامۆستایەکێ زانکۆیێ دبێژیت، پێدڤیە بیرا وەلاتیان بیت کێ ھەرێما کوردستانێ ئێخستە سەر نەخشێ وزەیا جیھان.
دکتۆر نەوزاد عەزیز، مامۆستایێ زانکۆیێ و شارەزایێ ئابووری بۆ رۆژناما ئەڤرۆ گۆت” ژلایێ ئابوریڤە پارتی ئێکە ژوان حزبێن باوەری ب سیستەمێ ئابوورەکا موکم ھەیە، ھەتاکو ب سیستەمەکێ نەرم ئابورەکا بھێز پێشکەشی خەلکێ کوردستانێ بکەت، چونکە ھەبوونا ئابوورەکا بھێز واتە بنیاتنانا کوردستانەکا بھێز و تەنا، چونکە ھەتا سیستەمەکێ ئابووریێ بھێز ئاڤا بکەین لایەنێ سیاسیێ وەلاتێ مەژی ھند دێ بەرەف پێشڤە چیت، نێچیرڤان بارزانی کو جێگرێ سەرۆکێ پارتیە ئێکە ژوان کاریزمایێن ھەرێما کوردستانێ ئێخستیە سەر نەخشێ وزەیا جیھانی، رەنگە ل قۆناغا دەستپێکا بەرھەم ئینانا نەفتا ھەرێما کوردستانێ رەخنە ل ئەڤێ پڕۆسێ دگرت، بەلێ دوماھیێ دەرکەفت بەرھەم ئینانا نەفتا ھەرێما کوردستانێ چو مفایەک گەھاندە خەلکێ کوردستانێ و دەمێ بڕینا بودجە و موچێ خەلکێ کوردستانێ ژلایێ بەغداڤە.
ئەڤی شارەزایێ ئابووری دیارکر” سیاسەتا رۆھن و ئەشکرە دبارەیا کەرتێ ئابورێ ھەرێما کوردستانێ و رۆلێ پارتی یێ دیارە لڤێ چەندێ بدەھان کۆمپانیێن ناڤدارێن نێڤدەولەتی بینە ھەرێما کوردستانێ، ئەوژی بمەرەما وەبەرئینانێ د کەرتێن جودا، بێگومان ھەتا چەند بەرژەوەندیێن وەلاتان ژلایێ ئابووری بکەڤیتە ھەرێما کوردستانێ ھند ژلایێ سیاسی ڤە دێ پشتەڤانیا ھەرێما کوردستانێ ھێتەکرن و پێگەھێ ھەرێمێ لسەر ئاستێ نێڤدەولەتی دێ بھێزبیت، ئەڤا نوکە پشتەڤانیا مە دھێتەکرن ژبەر ئابورا مەیا بھێزە.
دکتۆر نەوزاد عەزیز گۆتژی” ئابوور فاکتەرەکێ سەرەکیێ ھەموو وەلاتەکیە و پارتی باوەری بڤێ چەندێ ھەیە ب رێیا ئابوورەکا بھێز ھەم ژیان و ژیارا وەلاتیێن کوردستانێ خوەش بکەت و ھەمژی بۆچوونا وەلاتێن زلھێزێن جیھانێ بۆ کوردان بدەستڤە بینیت، بۆنموونە نوکە کۆمپانیا بی پی یا بەریتانی پشتی روویدانێن 16ی ئۆکتۆبەرێ ھاتیە کەرکووکێ و نوکە داخوازکریە پێشمەرگە ڤەگەڕیت دەڤەرێن کوردستانێ، واتە کەرتێ ئابووری کاریگەریێن راستەوخۆ لسەر ھەموو کەرتێن دی ھەیە، لیستا پارتی چەند یا سەرکەفتی بیت ئابوورا ھەرێما کوردستانێ ھند دێ بەرەف پێشڤەچیت، لەوڕا دەنگدان ب لیستا پارتی واتە بەرەف ئایندەیەکێ بھێز بۆ ئابورا کوردستانێ.
