مام خدرۆ

حسێنێ دەحلێنەوی

مام خدرۆ
ل سحارییا ئەڤرۆ
هندی من مێزەكر
دەنگێ
پێیێن تە یێن كەلشتی و
تەوین قێریێن تە
ناهێن بیستن
نە دەرسۆك و كولاڤێن مامێ حەسەن
لبەر وەشینا
دەست لەپێن تە دفرن
نەژی
حەژێكەرێن تە مینا جاران
خرڤە دبن
نە ژی
حەسكەڤان و عەلۆ و نیوار
لبەندا
دیداراتە ماینە
لسەرێ ڤێ پایزۆكێ
قێرین و نالینەكا
ژ بازارێ دهۆكێ دهێت
حەژێكەرێن تە
چەند غەریبییا تە دكەن
بۆیاغچی ژی
بۆیاغێ ناكەن ..
مە دزانی
كو
دمرن میر
شاهـ دمرن
ژێ نابۆرن پیر
فەقیر و
ژار و داپیر
لێ
مە نەدزانی
بێ گونەهەكێ
وەك مام خدرۆی
دێ هەلگریت چرا
ل هنداڤی
كێلییا شەدا و فیرعەونی
دێ زڤریت و
دێ بیتە
فریشتە و بەرەف
ئاسمانا چیت.

کۆمێنتا تە