مانا وی دوپاتكریە
ئەڤرۆ نیۆز،زنار تۆڤی:
هاینز یواکیم ڤاتزکێ رێڤه‌به‌رێ وه‌رزشی ل یانا بۆرۆسیا دۆرتمۆند یا ئه‌لمانی هه‌موو ده‌رگه‌هـ ل به‌ر یانه‌یێن مەزن یێن ئۆرۆپی بۆ گرێدانا هه‌ڤبه‌ستا ستێرا گابۆنی پیێر ئێمێریك ئۆبامیانگی گرتن و مانا وی ل گه‌ل یانه‌یا ئه‌لمانی دوپاتكریە.
د داخویانیه‌كێ دا بۆ رۆژنامه‌یا بێلد یا ئه‌لمانی ڤاتزكێ گۆتیە:ئه‌ز یێ پشتراستم كو ئۆبامیانگ ل وەرزێ بهێت ژی دێ مینیته دناڤا رێزێن دۆرتمۆندێ دا.هەر چەندە گه‌له‌ك نووچه‌یێن نه درۆست ل سه‌ر ڤی یاریکەری به‌لاڤبوون،کو دێ ڤێ یانێ بجه هێلیت.
لێ ئه‌و یێ رژد بوویە کو بمینیته ل سیگنال ئێدۆنا پارك و ئه‌ڤه بریاره‌كا درۆسته وی دای،هەروەسا پێشتر چه‌ندین رۆژنامه‌یێن جیهانی بەحس ل هندێ کربوو،کو دێ ئۆبامیانگ چیتە ئێک ژ یانەیێن میلان یان چێلسی،یان ژی دێ چیتە خۆلا چینێ.