ماندێلا عهبدولمههدی و عیراق
ئایدن عینایهت
پێشهكى هزار سلاڤ بۆ ههر كوردهكێ دهستقوتان و نیشانا سهركهفتنێ ب تبلێن خوه راكرین بۆ ریفراندۆما پیرۆز و روورهشى و شهرمهزارى بۆ ههر كوردهكێ خهنجهرا خیانهتێ ل ناڤ ملێن مللهتى داین:
دهمێ نیلسون ماندێلا سهرۆكاتیا كۆمارا ئهفریقیا باشۆر بدهستخوهڤه ئیناى، ههمیان گۆتنێ نابیت ب چ رهنگهكى تو رێ بدهیێ مرۆڤهكێ پیست سپى پشكداریێ د حوكمهتا مه دا بكهت ماندێلاى ژى گۆت ههوه ئهز یێ ههلبژارتیم دا سهركردایهتیا ههوه بكهم، ڤێجا بهێلن ئهز كارێ خوه بكهم: چونكو ئهگهر ههوه دهسههلات بڤێت ل دووڤ حهزێن حزبى و كهسایهتى دێ كهفتنێ ئینم: یا دیاره عادل عهبدولمههدى یێ بزاڤێ ددهت ئهڤێ كریارێ بدهستخوهڤه بینیت ئانكو گهلهك رێگریێن ههین د رێیا وی دا وهك قهبارێن سیاسى یێن شیعه یێ ب دووریاتیێ ل گهل وى بكاردئینن ب تایبهت دهمێ عهبدولمههدى ژ وان خواستى سیاسهتمهدارێن كهڤن (دزیكهر، گهندهلكهر، سهختهكار) رهتكرن و رێك دا مللهتى خوه بدهنه نیاسین و خوه ههلبژێرن بۆ پلێن حكومى ئهڤ قهبارێن سیاسى یێن شیعى هندهك ژ وان ب دل و ئهزمان دگهلن، بهلێ زۆربهى وان تهنها ب ئهزمانى دگهلن: عادل عهبدولمههدى ئهگهر دڤێت كاربكهت، پێدڤیه دو بادهكێن سهرهكى بدهستخوهڤه بینیت و چاره بكهت، یێ ئێكێ سێ تایا ڤهدگریت (گهندهلى، خزمهتگوزارى و دیاردێن چهگداریێ) پێدڤیه بنبر بكهت و ئهگهر ئهو ههرسێ تایا پێكڤه چارهكهت، بهلكو ئهنجامهكى بدهستخوهڤه بینیت و نهكو ههر تایهكێ جودا چاره بكهت: عیراق ل ڤى دهمى نهخشا جوگرافى و سیاسى ب ڤى رهنگێ ل خوارێ دیار:
1ـ بێكارى2ـ كۆمێن گلێشى 3ـ نهبوونا ساخلهمی.
پهروهردێ ل گهل چهگداریا جادێ كو بێ قانوون و بێ وهكههڤى زارۆیان درهڤینن و زۆریا سكسى ل گهل دكهن و دكوژن و بهرزهدكهن و كوشتن ل سهرجادان و ل پێشچاڤێن مرۆڤان و نیڤا رۆژێ ژى دئێنهكرن و ب ناڤێ ملیشیاتان ئهوێن هێجهتا وان ئهوه ئیسلامێ بلند دكهن دهمێ مرۆڤ مراجعهتا ئۆفیسهكێ بكهت گهندهلى و نه قانوون ژ بچووكترین كارمهند حهتا بهرزترین بهرپرس یێ ههیى گهندهلى وهك دهولهتهكا دى یا جودا سیستهمێن خوه و كارمهندێن خوه ههنه و ب شێوهیهكێ فهرمى دزى دئێنهكرن لهوما پێدڤیه ژ عادل عهبدولمههدى ب ههمى شیانان یێن سیاسى هاریكاریا پلهدارێن رهوشهنبیر و بێ لایهنا بكهت ئانكو ل ڤى دهمى عهبدولمههدى یێ بێ پشته ژ پارتێن شیعى یێن ئیسلامى.
مهلهفێ دووێ چاوانیا پهیوهندیێن دروست ل گهل ههرێمێ بكاردئینیت بێ لادان و تههمیشكرنا مافێ مللهتێ كورد و بلا باش تێ بگههیت. وهزارهتهك ل ڤێرێ یان پلهكێ وهكیل عامهكى ل وێراهه نه ب خێرا بابێ خوه بدهتهمه، بهلكو ئهڤه مافێ مهیه وهكو كوردێن عیراقى عهبدولمههدى تهجریبهكا دوور ل گهل سیاسهتێ ههیه، چونكو بابێ وى وهزیربوو ل سهر دهمێ شاه فهیسهلێ ئیكێ و ئهو بخوه بهرى بیته وهزیرێ گازا عیراقێ نموونهكا چهپى ههبوو و پاشى بۆ بهعسى و بۆ معارز و ئهندامهكێ پارتهكا ئیسلامى بوو و ل دووماهیێ بێ لایهن. ئهڤ رێ یا درێژ دێ هێزهكێ دهتێ كو خوینهكا نوو بدهته حكومهتێ: مهسهلهكێ ئهفریقى یێ ههى دبێژیت (پلنك كهڤلێ خوه نا گوهۆریت) دێ بینین سهرۆك كۆمار حهتا دوهى دهاڤێته سهرۆك پارتا خوهیێ بهرێ و دگۆت دیكتاتۆره و چ بهایى نادهته مرۆڤى و خوه بۆ خوه پارتهكا دى دامهزراند و ژ پارتا خوه ڤهقهتیا، بهلێ چونكو دهولهتهكا جیران حهزدكهت. سهرۆكهكێ لاواز و بێ دهستههلات ببیته بهندهك ل دووڤ حهزێن وێ دهولهتێ ههڤالێ مه دهست ژ حیزبا نوو ژى بهردا و دهست ژ بیر و باوهرا بهردا و ل دووڤ كورسیا كۆمارێ بهزى و غار دا. پرسیار ل ڤێرێ یه ئهو سهرۆك كۆمار ژبلى كو سهرۆكێ عیراقێ ههمیێ یه، دێ بۆ كوردان چ كهت؟!!. ئهم باش دزانین دهمێ بۆدجه و مووچا كوردستانێ هاتیه برین سهرۆك كۆمارێ كورد چبوو؟ .. چ .. نهكر؟. و دهمێ لهشكرێ عیراقێ ل گهل حهشدا شهعبى هێرش كریه كوردستانێ، دیسا سهرۆك كۆمارێ كورد یێ دووێ ژى چ …. نهكر كهواته د شیان بریارا دهست ژكاركێشانێ بدهن یان گهڤهك كربا كو وهل مللهتێ مه نهكهن، بهلێ چ….نهكرن:- سهرۆك كۆمارێ نوو دهسپێكا پهیڤا وى سویند خار كو عیراقێ پارچه نهكهت و مهخسهدا وى ل ڤێرێ سهرخوهبوونا كوردستانێ پێ نا ئاخڤین، لهوما دێ بێژینێ ئهگهر تو سهرۆك كۆمار بى و نهشێى پۆلیسهكى ڤهگوهێزى ژجهێ وى بۆ جههكێ دى، ڤێجا سهرۆكاتیا كۆمارا ته بۆچیه:..؟
داخوازا سهركهفتنێ بو ماندێلا عهبدولمههدى دكهین، بهلكو پاشهرۆژهكا نوو بدهت.
