مانۆ خه‌لیل: هه‌تا نوكه فلمێ (جیران) پشكداری د پتر ژ 170 فیسته‌ڤالێن جیهانی دا كریه
دهۆك، زنار تۆڤی:
ده‌رهێنه‌ر (مانۆ خه‌لیل) د دیداره‌كێ دا بۆ رۆژناما ئه‌ڤرۆ دیاركر كو هه‌تا نوكه چار جاران وی پشكداری د فلمه فیسته‌ڤالا دهۆكێ دا كریه، ڤێ فلمه فیسته‌ڤالێ گه‌له‌ك پێشكه‌فتن ب خۆ ڤه دیتییه، ئه‌ز ب هیڤی مه كو دگه‌ڕا ده‌هێ دێ یا باشتر بیت و ئه‌م دێ پێنگاڤێن باشتر د بۆارێ سینه‌مایێ دا هاڤێژین.
ناڤهاتی گۆت: نیشادانا فلمێن كوردی دناڤ فلمه فیستیڤالێ دا پشكه ژ ئاڤاكرنا كلتۆرێ سینه‌مایێ، هه‌روه‌سا دڤێت ئه‌م كلتۆرێ خوه و سینه‌ما كوردی ئاڤا بكه‌ین، دیسان ئه‌ز وه‌كو ده‌رهێنه‌ره‌ك گه‌له‌ك یێ كه‌یف خۆشبم كو فلمێ من (جیران) ل فیسته‌ڤالێ هاتیه نیشادان، حه‌ز دكه‌م پشتێ فیسته‌ڤالێ ژی فلمێن مه ل هۆلێن سینه‌مایی و ل سه‌ر ته‌له‌ڤزیۆنان ژی بهێنه نیشادان، هه‌روه‌سا ئه‌ركه ل سه‌ر ملێن هه‌موو سینه‌ماكارێن كورد كو ببنه خۆدیكه‌ك ژ بۆ جڤاكێ كوردستانی، دڤێت ئه‌م ئێش و ئازار و خۆشی و نه‌خۆشێ یێن نیشا خه‌لكێ جیهانێ بده‌ین، هه‌كه ئه‌م ڤێ نه‌كه‌ین، ئه‌م نه‌شێین ب دروستی په‌یاما خوه بگه‌هینین، بۆ زانین هه‌تا نوكه فلمێ سینه‌مایی (جیران) پشكداری د پترژ 170 فلمه فیسته‌ڤالێن جیهانی دا كریه، ئه‌ڤی وێ چه‌ندێ دگه‌هینیت كو ئه‌ز شیایمه ب رێیا وی فلمی ده‌نگێ كوردان بگه‌هینمه جیهانێ، هه‌تا نوكه وی فلمی (56) خه‌لاتێن جیهانی وه‌رگرتینه.
