مان ستی دێ گۆهوڕینان كه‌ت
ئه‌ڤرۆ،
یانا مانشسته‌ر ستی یا ئنگلێزی بڕیارا گۆهوڕینان دناڤ پێكهاتیێ تیما خوه یا ته‌پا پێی دا یه ب دوورخستنا چه‌ند یاریزانا و ئینانا هنده‌كێن دی بۆ وه‌رزێ بهێت پێخه‌مه‌ت چاره‌سه‌ركرنا ئاریشێن دارایی و هونه‌ری یێن تیمێ دا.
لدووڤ راپۆرتا ده‌زگه‌هێ Independent یێ بریتانی كو پشتی ژ ده‌ستدانا هیڤیێن ناسناڤێ ئێكێ یێ چامپیۆنز لیگ راهێنه‌رێ تیمێ پێب گۆاردیولا و كارگێریا یانێ گه‌هشتینه وێ بڕیارێ دڤێت گوهۆرین هه‌بن ژبۆ چاره‌سه‌ركرنا كێشێن دارایی و كێماسیێن دناڤ رێزێن تیمێ دا و پێنگاڤا ئێكێ ئینانا ستێرا یانا بۆرۆسیا دۆرتمۆند یا ئه‌لمانی یێ نه‌رویجی ئیرلینگ هالاند و یێ ئه‌رجه‌نتینی و ریڤێربلێت جولیان ئالڤارێزی، دیسان ده‌رگه‌هێ چوونێ بۆ هه‌ردو ستێرێن خوه ریاز محرزی و ره‌حیم سترلینگی ڤه‌كریه كو ل هاڤینا بهێت یانێ بجه بهێلین لێ دهه‌مان ده‌مدا دێ گرێبه‌ستا دی برۆینی بۆ چار سالێن بهێت زێده‌كه‌ن.
