ماهر ئەمینی سترانا (جەرگی بابە) بەلاڤكر
زنار تۆڤی
هونەرمەندێ سترانبێژ (ماهر محەمەد ئەمین) ی، نووترین بەرهەمێ خۆ یێ هونەری ب ناڤێ (جەرگی بابە) بەلاڤكر، كو ب رێكا ژیریا چێكریە كلیپكریە.
ناڤهاتی گۆت: ئاوازا وێ سترانێ ژلایێ (هێمن رەشوانی) ڤە هاتیە دانان و وی موزیكژەنی پێشنیاركریە، كو ئەز ڤێ سترانێ بێژم، لەوما من ئەو سترانە گۆت، هەروەسا پەیڤێن ڤێ سترانێ یێن هوزانڤان (مازیار فایەق) ە، مۆزیكا وێ ژلایێ (چیا غەفوری) ڤە هاتیە دانان و دلێر دلاوەری كار ل سەر میكس و تۆماركرنا وێ سترانێ كریە، ژبلی سترانێن دلداری، من بەرهەمێن نیشتیمانی و عرفانی ژی هەنە، ئەز خەلكێ باژێرێ رەواندزێ مە و ژ سالێن نۆتان ل سەدێ بۆری من دەست ب كارێ هونەری كریە، هەتا نوكە من چار ئەلبۆمێن سترانان و چەندین سترانێن سینگل ژی تۆماركرینە و ئێك ژ وان كارێن من كو دەنگڤەدانەكا مەزن هەبوو، سترانا من یا (سێوەخان) بوو ، كو بەری 21 سالان ئەو سترانە هاتیە بەلاڤكرن.
