ماوەیەکێ دى ژی خوە بگرە
ئه‌ڤرۆ نيوز:
کچەکا 22 سالی دلێ خوە بۆ ئەڤرۆ ڤەدکەت و دبێژیت: ئەڤە 4 سالە ئەز و گەنجەکێ 27 سالی حەز ژ ئێکدو دکەین، ئەو یێ بێ دایک و بابە و ل دەڤ برایێ خوە یێ مەزن دژیت و خەلکێ ھەولێرێ یە، بەری نھا خووشکا من یا شوو ب برایێ وی یێ ناڤێ کری و ب رێیا وێ من ئەو نیاسی، من ھەتا قوناغا 9 ناوەندی خواندیە و ئەو پارێزەرە، لێ ژبەرکو بەری چەندەکێ کێشەیەک دناڤبەرا خووشکا من و مالا وان دا چێبوو، لەوا برایێ وی یێ مەزن حەز ناکەت کو ئەو کورە من بۆ خوە بخوازیت و ئەوژی نەشێت نەشێت ئاخفتنا برایێ خوە ل ئەردی بدەت و ھندی دھێتێ رازی نابیت و ئەڤە ماوەیەکە جورە بێ ھیڤیبونەک یا لنک مە ھەردویا پەیدا بووی، ئەڤجا ھوون چ دبێژن و رێیە چارە چیە؟
کچا ھێژا:
چارەسەریا ڤێ ئاریشێ ل سەر بریارا ھەوە ھەردویان دمینت, مەرج نینەخووشکا تە وان ئاریشە ھەبن و ھەوە ژی ئاریشە ھەبن. مادەم ئەڤ کەسە پاریزەرە دڤێت وی ژی بریارا خوە ھەبیت و یان دڤێت بەردوام بیت ل سەر ئەڤینا خوە وتە بیھیڤی نەکەت و ھەموو ھەولان بدەت، بتایبەت ب رێیا ھندەک کەسا بشێن کارتێکرنێ ل بریارا وی بکەن. یان ژی ھەکە زانی چ رێ فایدە ناکەن ھوون ھەردو نەمیننە ھەلاویستی و ژیێ ھەوە بلا بەلاش نەبووریت و ھەر ئێک ژ ھەوە بچیەت سەر ئاڤ و رزقێ خوە . مادەم ئەو خەلکێ ھەولیرێ یە و گەلەک ئاریشە نینە دبیت تا رادەیەکی کێم جوداھیێن کولتوری ھەبن, وەک ژیێ ھەوە ھەردویا و ئاستێ خواندنێ ئەز دبینم گونجایە …بەلێ بوچوونا ھەردو بنەمالا ژی گرنگە، چونکی دو بنەمال دێ گەھن ئێک…ئاخفتنا دوماھیێ ماوەیەکێ دی ژی خوە بگرە و پاشی بریارا خوە یا دووماھیێ بدە.
بەرسڤدان، ڤەکولەرێ جڤاکی: عەبدولجەبار عەبدولرەحمان
په‌يجێ دلێ خوه ڤه‌كه ل سه‌ر تۆڕا جڤاكيا فه‌يسبۆكى