ماکرۆن: ئەز پێشنیازدکەم ڤاکسینێن دژی کۆرۆنایێ بو ئەفریقیا ب ھنێرین
سەرۆکێ فرەنسا ئیمانوئێل ماکرۆن، پێشنیازکریە وەلاتێن زەنگین دناڤبەرا ٣-٥% ڤاکسینێن دژی کۆرۆنایێ بو وەلاتێن ئەفریقیا فرێکەن، ژبەر ھەژاریا وان.
د ھەڤدیتنەکێدا دگەل رۆژناما “فاینانشیال تایمز” یا بریتانی سەرۆکێ فرەنسا دبێژیت: ئەز دێ ڤێ پێشنیازێ دەمە سەرۆکێن کۆما حەفت و شیرەتکارا ئەلمانی ( ئەنگیلا مێرگل) ژی یا رازی یە ل سەر ڤێ پێشنیازێ.
ماکرۆن دیاردکەت گەھاندنا ٣-٥% ڤاکسینێن دژی کۆرۆنایێ بو ئەفریقیا چو کارتێکرنێ ل ستراتیژیا ڤاکسیندانێ ل وەلاتێن زەنگین ناکەت و پرۆسا دانا ڤاکسینێ ژی گیرۆناکەت و گۆت: ئەڤە د بەرژەوەندیا فرەنسی و ئوروپیان دایە، چونکو مە پتر دەھـ ملیون ھاولاتیان ھەنە کو خێزانێن وان ل رەخێ دی یێ دەریا ناڤەراست د ئاکجینە.
