ماکرۆن: رێککەفتنێ وەکو خوە بجهـ بینن
سەرۆکێ فرەنسا د داخویانیەکێ دا دیار کر، رێککەفتنا ڤێ دووماهیێ یا د ناڤبەرا شامێ و هەسەێ دا ژ بۆ هەموو سووریێ یا گرنگە، لێ د هەمان دەمی دا دڤێت شام رێککەفتنێ وەکو خوە بجه بینیت و جارەکا دی فشارێ ل کوردان نەکەت، هەکە رێککەفتن وەکو خوە نەهێتە بجهئینان دێ گەلەک ئاریشە دروست بن و هەکە وەکو خوە بجهـ بهێت بێگومان دێ د خزمەتا ئارامیا سووریێ دا بیت.
ئەو یەک د دەمەکێ دایە کو دەزگەهێن راگەهاندنا فرەنسا دیار کربوون حەفتیا بۆری سەرۆکێ فرەنسا ب رێیا وەزارەتا دەرڤە هۆشداری دابوو شامێ کو دڤێت دەست ژ ئێرشێن خوە یێن ل سەر کوردان بەردەت و هەکە شام ل سەر ئێرش و فشارێن خوە یێن ل سەر کوردان بەردەوام بیت وی دەمی فرەنسا دێ دەست ب سزادانا شامێ کەت و رێ نادەت شام سیاسەتا توندوتیژیێ و نەهێلانا کوردان بەردەوام بکەت، چونکی ئەو یەک دێ بیتە ئەگەرێ ئالۆزیێن زێدەتر ل سووریێ.
