ماکرۆن هۆشداریێ ددەتە دەستهەلاتا نوو یا شامێ
ئیمانویل ماکرۆن سەرۆکێ فرەنسا راگەهاند کو بەری چەند رۆژان وی ب رێیا تەلەفونێ ل گەل ئەحمەد شەرع ئاخڤیە و بۆ وی دیار کریە وەکو فرەنسا ئەو دێ بەردەوام پشتەڤانیێ ل کوردان و هێزێن سووریا دیموکرات کەن و دڤێت دەستهەلاتا نوو یا سووریێ ژی هەبوونا کوردان قەبوول بکەت، هەروەسا دڤێت کورد د دەستهەلاتا نوو یا شامێ دا پشکدار بن و بێی پشکداریا کوردان وەکو فرەنسا ئەو پشتەڤانیێ ل سووریێ ناکەن.
ل ئالیێ دی بەرپرسەکێ فرەنسا ژی بۆ ئاژانسا فەرمی یا وی وەلاتی دیار کریە کو د پەیوەندیا تەلەفونی دا ئەحمەد شەرع دیار کریە ئەو ل گەل کوردان دانوستاندنان دکەن و وان دڤێت کورد د دەستهەلاتا نوو یا سووریێ دا خوەدان رۆل بن و ژ بۆ ڤێ یەکێ ژی نها زەمینەکا گونجای هەیە، هەروەسا ئەو دخوازن هێزێن سووریا دیموکرات ژی ببنە پشکەک ژ هێزێن فەرمی یێن لەشکری ل سووریێ.
