مباپـی: پێدڤی ب دیرۆكـەكـا نوو مە
ستێرێ فرەنسی و یانەیا پاریس سانجێرمان كێلیان مباپی ب فەرمی كاروانێ خوە دگەل یانەیا فرەنسی بۆ وەرزێ ئەڤ سالە ب دووماهی ئینا و دیار كر بەرهەڤە بۆ كاروانەكێ دی دگەل یانەكا دی بێ دیاربكەت.
د كورتە ڤیدیۆیەكێ دا كێلیان مباپی گۆت: ئەڤە وەرزێ من یێ دووماهیێ یە دگەل پاریس سانجێرمان و ئێدی ئەز گرێبەستا خوە نوو ناكەت و دێ یارییا دگەل تۆلۆز ژ خولا فرەنسا بیتە دووماهی یارییا من دگەل یانەیێ، من دەمێن خوە دگەل هەڤالێن خوە ل پاریسێ بوراندینە، بڕیارەكا ب زەحمەت بوو لێ نە پێدڤی ب هەڤڕكیەكا نوو مە پشتی حەفت سالان كو من حەز و ڤیان یانەیا خوە هەلبژارتبوو و ئێك چركە ژی پەشێمان نەبوویمە چنكو دگەل ئێك ژ مەزنترین یانەیێن جیهانێ بووم، ئەو د شیانێن من دا بۆ یانەیا خوە پێشكێشكرییە و من دڤێت زێدەتر ئەز ژی خوە پێشبێخم و پێدڤی ب دیرۆكەكا نوو مە.
ل دووڤ راپۆرتێن رۆژنامەڤانی ل فرەنسا راگەهاندنا مباپی د دەمەكی دا بوو كەسێ ئەو هزر نە دكر، لێ ئەڤ چەندە كر دا ئەو گەنگەشە و گۆتكۆتێن میدیایی ئێكلا بكەت و هیڤیێن مەزن بدەتە ریال مەدرید كو ئەو یێ بەرهەڤە گرێبەستا خوە دگەل ئیمزابكەت، ژبەركو یانەیا ریالێ ئەو ئاگەهداركربوو كو هەتا بەری یارییا دووماهییا چامپیۆنزێ دێ چاڤەڕێ وی بن.