مباپی دێ ڤێنێسیۆسی ژ ریالێ دوورئێخیت!
ل دووڤ راپۆرتێن رۆژنامەڤانی ل ئۆرۆپا ب هاتنا ستێرێ فرەنسی و یانەیا پارێس سانجێرمان كێلیان مباپی بۆ یانەیا ریال مەدرید یا ئسپانی دێ گەڤێن چوونا ستێرێ بەرازیلی و هێرشبەرێ ریال مەدرید ڤێنێسوس جونیرۆ ژ یانەیا شاهان كەت.
ل دووڤ راپۆرتا رۆژنامەیا دیپۆرتیۆ لاكارونیا یا ئسپانی دیاركر گرێبەستا مباپی دگەل ریال مەدریدێ دێ ئاریشەكێ ل هێلا هێرشبەریێ پەیداكەت هەكە ڤێنێسیۆس یێ رژد بوو كرنا یاریێ ل جهێ خوە كو لایێ چەپێ یێ هێرشبەریێ دكەت ئەڤ جهە هەمان حەزا مباپی یە دەمێ ئەنجامدانا یاریێ، لێ ئانشلۆتی رێكێن چارەسەریی بۆ هەردو یاریزانان دیتییە بەری بڕیاردانا ئینانا ستێرێ فرەنسی.
ژلایەكێ دووڤە ئەڤ دەنگۆباسە بوویە جهێ گرنگی پێدانا یانەیێن لیڤەرپۆل و مانچستەر یۆنایتد یێن ئنگلێزی و پاریس سانجێرمان ئەوێن بەرهەڤییا خوە دیاركرین ب كۆژمەیێ زێدەتر 200 ملیۆن یۆرۆیان بۆ ڤێنێسیۆسی بەرهەڤبكەن بەرانبەر هاتنا وی بۆ ناڤ رێزێن تیمێن وان، تۆرا مانچیستەر ئیڤنینگ نیۆز یا بریتانی ئاماژە پێ دایە سەرۆكێ نوو یێ مان یۆنایتد سێر جێمس راتكلیف بەرهەڤە هەر كۆژمەكێ بهێتە داخوازكرن ژبۆ ئینانا ستێرێ بەرازیلی ژلایەكێ دووڤە لیڤەرپۆل ژی بزاڤان دكەت ژبۆ قەرەبوویا جهێ محەمەد سلاح هێرشبەرێ تیما خوە هەكە بڕیارا دووماهیێ دا سەربارەت چوونا خوە، د بەرانبەردا تۆرا PSG Talk یا فرەنسی دۆپاتی ل سەر هەبوونا حەزكا دژوار یا پاریس سانجێرمان بۆ ئینانا هێرشبەرێ بەرازیلی، بۆ زانین گرێبەستا ڤێنێسیۆسی دگەل ریال مەدرید هەتا 2027ێ هاتیە ئیمزاكرن.
