محسن دۆسكی: حهفت مهرج بۆ دانا مولهتا چهكی هاتینه دانان
ههولێر، قائید میرۆ:
ئهندامهكێ لیژنا ناڤخۆ ل پهرلهمانێ كوردستانێ بو روژناما ئهڤرۆ ئاشكرا كر، حوكمهتا ههرێما كوردستانێ یا رژده ل سهر نههێلانا چهكی و ل گورهی قانوون و ههبوونا چهكی دێ هێته كۆنتڕۆل كرن ب مهرهما نههێلانا دیاردا ههبوونا چهكی و گۆت: حهفت مهرج بۆ دانا مولهتا ههلگرتنا چهكی هاتینه دانان و ههر كهسێ چهكێ بێ مۆلهت ههبیت دێ وهزارهتا ناڤخۆ پێڕابوون بو وان ههبن.
محسن دۆسكی، ئهندامێ لیژنا ناڤخۆ ل پهرلهمانێ كوردستانێ دیار كر، قانوونا ههلگرتنا چهكی یا هژماره 16 سالا 1992ێ ههبو، بهلێ قانوونا هژماره 16 ل گهل سهردهمێ نوكه نه د گونجا ئهڤه ژی بۆ ئهگهر پهرلهمانێ كوردستانێ قانوونا هژمار 2 یا سالا 2022ێ دهر بكهت و گۆت: (حوكمهت وپهرلهمانێ كوردستانێ زۆر رژد بوون ل سهر دهركرنا قانوونا ههلگرتنا چهكی و بۆ دهمێ سالهكێ دهلیڤه ب وهلاتیان هاتیه دان ئهڤێ قانوونێ بخوینن.
محسن گۆتژی: (ههروهسا وهزارهتا ناڤخۆ رێنمایێن هژماره پێنج و شهش دهركرینه هژماره پێنج گرێدایی وهرگرتنا مولهتا چهكی یه، كه چاوا دێ وهلاتی شێت مولهتا ههلگرتنا چهكی ب دهستڤه ئینیت ب فهرمی و ل گورهی قانوونێ، رێنمایا هژماره شهش بۆ رامالینا چهكێ شهڕیه).
ئهندامێ لیژنا ناڤخۆ ئهو چهنده ژی دا زانین كو وهزارهتا ناڤخۆ 40 بنگههێن تایبهت ڤهكرینه بۆ تۆماركرنا چهكێ بێ مولهت و دهلیڤه دایه وهلاتیان ههر كهسهكێ چهك ههبیت پێدڤیه چهكێ خوه ب رێیا ئهڤان بنگههان تۆمار بكهت، لیژنهكا بلند سهرپهرشتیا ئهڤێ پرۆسێ دكهت ئهڤه بۆ چهكێ سڤك و ئاگرین دڤێت ئهو چهك بهێته تۆمار كرن و نابیت ب هیچ رهنگهكی ئهو چهكه بهێته ههلگرتن و ئینان و برن ب چهكی بهێته كرن، بهلێ بۆ چهكێ گران یێ دبێژنێ چهكێ شهڕی ههتا دوماهیا ههیڤا تیرمههێ دڤێت رادهستی حوكمهتێ بهێته كرن و دهمێ رادهستكرنێ ژی دێ بهلگهنامهیا رادهستكرنا چهكی وهرگرتی، دووڤدا سهرۆكایهتیا جڤاتا وهزیران دێ پێداچوونێ بۆ بكهت و بهایێ ههر چهكهكی هێته دیار كرن و وهلاتی دێ هێنه قهرهبوو كرن، واته نابیت چهكێ شهڕی ددهستێ وهلاتیاندا ههبیت و ههموو دێ رادهستی وهزارهتا پێشمهرگهی هێته كرن، ل گورهی قانوونا ههلگرتنا چهكی دڤێت هێزێن ئهمنی و پێشمهرگه تنێ ددهمێ ئهركی دا چهكی ههلگرن و بهرۆڤاژی دهمێ ئهندامێن هێزێن ئهمنی و پێشمهرگه دچنه مال پێدڤیه چهكێ خوه ل جبهخانا سهربازی دانن.
محسن دۆسكی ئاماژه پێ كر كو ل گورهی قانوونێ حهفت مهرج بۆ دانا مولهتا چهكی هاتینه دانان و چار جورێن مولهتێن چهكی ژی ههنه بۆ نموونه جورهكێ مولهتێ ئهوه وهلاتی دێ مولهتا چهكی ههبیت ب مهرجهكی تنێ ئهو چهك د مالدا بیت و نابیت ل گهل خهی ببهت، ههروهسا مولهتا سهخبێركرنا جورێ چهكی و مولهتا ههلگرتنا چهكی ژی ههیه، كهسێ داخوازا مولهتا چهكی دكهت پێدڤیه ژلایێ لیژنهكا نۆشداری پشكنین بۆ بهێته كرن ئاریشهیێن دهروونی نهبن و داخوازكاری دڤێت رابردوویهكا پاقژ ههبیت و گۆت: (چهندین مهرج ههنه بۆ دانا مولهتا چهكی، ههركهسهكێ داخوازا مولهتا چهكی بكهت دڤێت سالانه مولهتێ نوو بكهت و كوژمهكێ پارهی بدهته حوكمهتێ كو سالانه 120 هزار دینارن، حوكمهت یا رژده لسهر نههێلانا چهكی و وهزارهتا ناڤخۆ دێ رێكارێن گران ههبن بۆ كۆم كرنا چهكی).
د ئاخفتنێن خوه یێن دوماهیێ دا گوت: ب دیتنا من دڤێت هشیاركرن ژی ههبیت لدۆر مهترسیێن چهكی، چونكی تنێ ههوێن كۆم كرنا چهكی بهس نینه، دووڤچوون هاتیه كرن و رێژا ههره سهرهكیا تاوانێن دهێنه ئهنجامدان ب رێیا چهكێن بێ مولهت بوویه.
