محه‌مه‌د بامه‌رنی: كارێ شێوه‌كاریێ ئه‌ز ژ لایێ هزری ڤه ده‌وله‌مه‌ند كریمه
ئه‌ڤرۆ، هه‌رهین محه‌مه‌د:
شێوه‌كارێ گه‌نج محه‌مه‌د بامه‌رنی د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: شێوه‌كاریێ هونه‌ره‌ك دا من كو ئه‌ز شیام ده‌ربڕینا گه‌له‌ك تشتان د هونه‌رێ شێوه‌كاریێ دا دیار بكه‌م و ئه‌وا من دڤیا هه‌بوونه‌كێ ب رێیا شێوه‌كاریێ نیشا خه‌لكی بده‌م، به‌لێ ژ لایێ ماددی ڤه شێوه‌كاریێ چو نه‌دایه من، لێ ژ لایێ هزری ڤه ئه‌ز ده‌وله‌مه‌ند كریمه و هزر و بیرێن من زێده‌كرینه و ئه‌و شیان داینه من رۆژانه هزره‌كێ ب ئافرینم و بینمه هه‌بوونێ و هونه‌رێ شێوه‌كاری هه‌تا راده‌كی به‌رنیاس كریمه و هه‌تا پێنچ پێشانگه‌هێن كه‌ڤالێن شه‌هیدان من ڤه‌كری نه و ب بوورینا ده‌می من لبه‌ره پێشانگه‌هه‌كا دی ژی ڤه‌كه‌م ب هه‌ر دو شێوه‌یێن ره‌نگێن زه‌یتی و ئاڤێ.
ناڤهاتی گۆت: من ستایلێ خوه یێ تایبه‌ت هه‌یه و هه‌ر كه‌سه‌كێ كارێ من ببینیت ل چ جه بیت دزانیت ئه‌ڤه كارێ منه و ب هه‌موو شێوه‌یان كاردكه‌م ره‌نگێن ئاڤی و زه‌یتێ، به‌لێ من پتر حه‌ز ل سه‌ر هونه‌رێ گرافیكێ هه‌یه و ل سه‌ر كاردكه‌م.
