محه‌مه‌د عه‌بدولحه‌مید: پشكداریا من ل گه‌ل هه‌لبژارتیێ ئیراقێ هیڤیێن مه‌زن په‌یداكرینه
ئه‌ڤرۆ،عه‌لی حاجی :
د دیداره‌كا تایبه‌ت دا ستێرا لاوێن یانا زاخۆ یا ته‌پا پێی و هه‌لبژارتیێ ئیراقێ بۆ رۆژناما ئه‌ڤرۆ دیاركر پشكداریا وی یا ئێكێ ل گه‌ل هه‌لبژارتیێ لاوێن ئیراقێ ڤه‌گۆهاستیه قۆناغه‌كا نوو و هیڤی و ئارمانجێن وی مه‌زنتر لێكرینه و به‌رهه‌ڤه یاریێ بۆ تیما پێشكه‌فتیا یا یانا خوه بكه‌ت.
زێده‌تر محه‌مه‌د عه‌بدولحه‌مید گۆت: پشكداریا من یا ئێكێ ل گه‌ل هه‌لبژارتیێ لاوێن ئێراقێ ژ هیڤیێن من یێن مه‌زن بوو كو ڤه‌گۆهاستیمه قۆناغه‌كا نوو د وه‌رزشێ دا و دێ رژدبن به‌ره ب قۆناغێن مه‌زنتر بچم، پێنه‌ڤێت ئه‌ڤچه‌نده ژی دڤێت به‌رده‌وام راهێنانا و ئاستێ خوه پێشبێخم له‌ورا ئارمانجێن من مه‌زنن و كاروانێ من یێ درێژه ژبه‌ركو هێشتا د ژیه‌كێ بچووك دامه، یا گرنگ د نوكه دا هاتبامه سه‌رئخستن بۆ تیما یانا زاخۆ ئه‌وا پشكدار د خولا پلا نایابا ئیراقێ دا پێخه‌مه‌ت خزمه‌تا یانا باژێرێ خوه بكه‌م.
ژلایه‌كێ دووڤه ناڤهاتی دیاركر سه‌رباری هنگاڤتنا وی د ماوێ قاره‌مانیێ دا لێ كادرێ راهێنانێ پشتبه‌ستن ل سه‌ر من دكر ژبه‌ركو هنده‌ك خالێن جودا د جه‌سته‌یی و هێزی من هه‌بوو كو به‌رده‌وام دووڤچوونا من بكه‌ن و گه‌ل ژ ئاستێ من ژی رازی بوون و دیسان وه‌كو یاریزانه‌كێ كورد من هه‌ست ب شانازیێ دكر كو په‌سنامن دهاته‌كرن د قاره‌مانیا رۆژئاڤا ئاسیا دا و ژبه‌ر ئاست و ستایلێ من هاتبوومه ناڤكرن ب مینگوێزایێ ئیراقێ و گوت: هه‌روه‌سان كارگێریا یانێ ژی پشته‌ڤانیا خوه بۆ من دیاركریه و ئه‌م خه‌لاتكرین، پێنه‌ڤێت ئه‌ڤه باشترین پالده‌ره بۆ گه‌نجێن زاخۆ و گه‌هشتنا هیڤیێن خوه.
