محه‌مه‌د یوسف: ئه‌ركێ مه ب سانه‌هی نینه لێ بۆ ده‌ربازبوونێ رژدین
ئه‌ڤرۆ،
ئێكه‌تیا ته‌پا پێی یا ئیراقێ پشككێشانا وه‌رزێ نوو یا خولا پلا ئێكا ده‌ربازبوون بۆ پلا نایاب هاته كرن ئه‌وا دێ ل 19 ڤێ هه‌یڤێ پشكداریا 24 یانا و هاتینه به‌لاڤكرن ل سه‌ر دو كوما و یاریێن وان دێ بشێوێ خول دو قۆناغ ده‌ستپێكه‌ت، یانا دهۆك نوونه‌را پارێزگه‌هێ دێ یاریا خوه یا ئێكێ مێڤانداریا عفك كه‌ت كو پێكهاتینه ژ حدود، میسان، سلیخ، رومادی، دفاع ئه‌لمه‌ده‌نی، مرور، كۆفه، عه‌له‌م، عفك، مه‌سافی ئه‌لجنوب و سوق ئه‌لشیوخ.
لدور كۆما دهۆكێ و دووماهی به‌رهه‌ڤیێن وان محه‌مه‌د یوسف هاریكارێ راهێنه‌ری بۆ رۆژناما ئه‌ڤرۆ گوت: هه‌موو یانێن خولا پلا ئێك به‌رهه‌ڤی كرینه و كۆما مه ب سانه‌هی نابیت ژبه‌ركو یاریێن پلا ئێك جوداهیه‌ك هه‌یه، ژوانا ترسا ده‌ستكاری ب ئه‌نجامێن یاریان لێ ئه‌م گه‌شبینین دێ ب هێز هێنه دناڤ خولێ دا، ئه‌ڤه زێده‌تری هه‌یڤ و نیڤه مه به‌رهه‌ڤیێن خوه كرینه و یاریزانێن خودان شیان مه هه‌نه و هه‌روه‌سان ئه‌وێن وه‌رزێ بوری شاره‌زاهیه‌كا باش وه‌رگرتیه.
ژلایه‌كێ دووڤه ناڤهاتی ئه‌وچه‌نده ژی دیاركر كو یاریا ئێكێ هه‌مبه‌ری عفك و دو یاریێن دووڤدا باشترین ده‌لیڤه‌یه بۆ سه‌ركه‌فتنان و پاراستنا پێشه‌نگیا خوه پێنه‌ڤێت ب ده‌ستڤه‌ئینانا ئه‌نجامێن باش پشته‌ڤانیا كارگێریێ و جه‌ماوه‌رێ یانێ یه كو دێ ڤه‌گه‌ڕینه جهێ خوه یێ دروست ئه‌وژی پلا نایاب.