محەمەد سەعید ژڤانێ ڤەگەڕیانا خوە ژ هنگاڤتنێ دیار كر
شاهۆ فەرید:
د دیدارەكا تایبەت دا محەمەد سەعید كوڕێ باژێریێ زاخۆ و یاریزانێ تیما فۆتبولا یانەیا دهۆك بۆ رۆژنامەیا ئەڤرۆ دیار كر هنگاڤتنا من درێژبوو و نە پشكدارییا من د فینالا كۆپا كەنداڤی دا دلگران كرم.
زێدەتر ناڤهاتی گۆت: هەرچەندە ل دەستپێكێ من هزردكر هنگاڤتنا من دێ زوو چارەسەر بیت لەوما ژی هەتا حەفت یارییان ل سەر هنكاڤتنێ دناڤ یاریگەهێ دا یاری دكر بێ راوەستیان زێدەتر نەشیام بەرگێریێ بكەم، دووڤدا نەچاربووم من دەست ب چارەسەریێ كر دا خوە خوە ژ هنگاڤتنێ قورتالبكەم، نوكە ژێر چاڤدێریا نوژدارێ چارەسەرییا سروشتی راهێنانان دكەم، تنێ ئاریشەكا كێم د چۆكێ من دا مایە ئەو ژی زووترین دەم دێ چارەبیت و دووبارە دێ ڤە گەرێمە یاریگەهێ، پێشبینی دكەم دێ پشتی راوەستیانا خولێ بیت ئەوا ژبەر ڤاڤارتنێن مۆندیالێ دووبارە ڤەگەرمە یاریێ، بزاڤێن من بەردەوامن بۆ ڤەگەریانێ و جهێ خوە تژی بكەم د ناڤا یاریگەهێ دا.
محەمەد سەعیدی ئەوچەندە ژی گۆت: تشتێ هەرێ بۆ من نە خوەش ئەوبوویە نە پشكداریا من هەر چار یاریێن دووماهییا كۆپا كەنداڤی دا، ئەم هیڤی نە ناسناڤەكێ ناڤخوەیی خولێ یان كۆپا ئیراقێ ب دەستڤە بینینـ تیما مە ئاستەكێ بلند دایە و مەترسی ل سەر مە نینە، دێ بزاڤێ كەم یاریێن دووماهیێ ژ خولێ و كوپایێ پشكداریێ بكەم.
بۆ زانین یاریزان محەمەد سەعید ئێك ژ ستۆنێن سەرەكی یێن تیما دهۆكێ یە د خولا ستێرێن ئیراقێ دا لێ ژبەر هنگاڤتنا وی ئەڤە بۆ ماوەیێ نێزیكی سێ مەهە دووركەڤتییە، یاریزانێ ناڤهاتی ل سەر دەستێ ڕاهێنەرێ كوردستانی سلێمان رەمەزان هاتییە پێش وەكو ئێك ژ باشترین یاریزانێ كوردستانییە د خولا ستێرێن ئیراقێ دا.
