محەمەد فەخری: هونەر ل دەف من ژیانە
زاخۆ، دلۆڤان هالۆ:
هونەرمەندێ گەنج یێ باژێڕێ زاخۆ محەمەد فەخری د دیدارەکێ دا بۆ ڕۆژناما ئەڤرۆ دیارکر کو ل دەستپێکا من یا هونەری هەر دوو مامۆستایێن هونەرمەند عەبدولعەزیز سلێمان و سەمیر زاخۆیی هاریکاریا من کرییە ب تایبەت مالباتا هونەرمەند ئەردەوان زاخۆیی، و نوکە ژی پالپشتێ من یێ هونەری هونەرمەند هەلکەوت زاهرە و خێزانا من ژی پشتەڤانێ من یێ بەردەوامە.
ناڤهاتی ئاماژە ب وێ چەندێ ژی کر کو من زێدەتری 15 بەرهەمان هەنە وەکو ستران و کلیپ، و ئەز ب سترانا خوە یا بناڤێ هەڤژینی ناڤداربووم، و بەردەوام ژی ب کارێن هونەری ڤە مژوولم و چالاکم و چ دەمێن دیارکری نینن کو بتنێ ل وی دەمی کارەکێ ئەنجام بدەم، و بەردەوام دچمە ئاهەنگێن جڤاکی.
گۆت ژی:»هونەر ل دەف من بتنێ پەیڤەکە کو ئەو ژی ژیانە، و ئەز گەلەك حەز ژ سترانا کوردی یا سەردەم دکەم، و ب شێوەیەکێ گشتی ئەز داخبارێ هەموو جۆرێن سترانێن کوردی مە، و ئەز حەز ژ ئامیرێ مۆزیکێ عۆدێ دکەم و دژەنم».
زێدەتر ژی گۆت:»دوماهیك کارێ من یێ هونەری ژبەری چەندەکێ من و هونەرمەندا دەنگ خوەش ئلیادە مەتین سترانەکا دوو قولی بناڤێ کچێ بمرم ب شێوێ ڤیدیۆ کلیپ بەلاڤکر، کو ئەڤ سترانە ژ پەیڤ و ئاوازێن فرات ئونورە، ل ستۆدیوا سندرێلا یا مامۆستا هەلکەوت زاهری هاتییە تۆمارکرن، و ڤیدیۆ کلیپ ژ دەرهێنانا دەرهێنەر عادل ئاکرەیی یە».
