مخـابنـی
رەمەزان ئیسماعیل
هێشتا ڕۆژێ
ئەو دێمێ تە
یێ وەكی خوە
نە ڤەمالی و ماچی كری
هێشتا كەیفێ
نهێنییا تـە
دەستڤـە نەدای
سینگ و سینگ نەهمبێزكری
هێشتا شەڤێ
تاڤە زەركا ئێڤارییا
ل سەر چیا
باش نە دیتی و مێهڤان كری
هێشتا ئەشقێ
بڕیار نەدای
دەریێ دلێ تە بقوتیت
جهێ خوە دناڤدا نەكری
هێشتا هەیڤێ
پەریا بوونا بویكینیا تە
دناڤ كەڤالێ خەملا خوەدا
نەڕاپێچای و نەبری
هێشتا لێڤێن
تەیێن نازك
چو گڕنژین نەهنگاڤتی
چوجار خوەشی تام نەكری
هێشتا كەسێ
ئەنیا تە یا سپی یا كەڤەر
ل بن پرجا زەر
تێر نە دیتی و مێزە كری
هێژ سەرسپیێ
كراسەكێ بویكینیێ
سپیێ مەخمەل
بۆ وێ بەژنا تە نە دوری
مخابنی..
تو ژ ناڤ مە چووی
مخابنی…مخابنی.
