مرادا وی یه هونه‌رمه‌ند (زه‌كه‌ریا عه‌بدوللا)ی ببینیت
ئه‌ڤرۆ، هه‌رهین محه‌مه‌د:
سترانبێژی گه‌نج ئه‌یاز گۆران، د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: ل سالا 2000 من ده‌ست ب كاری َستران گۆتنێ كریه و ئه‌ڤ كاره مرادا من بوو من و بۆ خوه‌شیا خوه ستران دگۆتن و نه بۆ ب ده‌ستڤه ئینانا پارا و به‌رنیاس بوونێ ڤی كاری دكه‌م و نوكه خودانێ سێ چار كلیپا مه و ل ده‌مه‌كێ نێزیك دێ ده‌ست ب سترانه‌كا سلو كه‌م و به‌رده‌م دچمه ده‌واتان ژی.
ناڤهاتی گۆت: ژبلی ستران گۆتنێ كاره‌كی َدی ژی دكه‌م و من كافیه‌ك هه‌یه، به‌لێ لایف مۆزیكا ل وێرێ نابێژم بتنێ دچمه ده‌وات و شه‌هیانان و گه‌له‌ك سترانبێژێن ده‌واتان هه‌نه وه‌كو ئسماعیل سیاری و رۆمی هه‌ركی و عه‌بدوللا هه‌ركی هه‌موو وه‌كو هه‌ڤال و برایێن منن و كه‌یفا من گه‌له‌ك ب وان دهێت و دیسان خه‌لك ژی حه‌ز ژوان دكه‌ن دشه‌هیانان دا، چونكو خوشیه‌كێ دئێخنه شه‌هیانێ و گه‌له‌ك جاران ده‌وات بۆ من هاتینه و من هه‌ڤالێ خوه یێ سترانبێژ هنارتیه و ئه‌ز نه‌چوویمه و سترانبێژ هه‌یه من گه‌له‌ك بۆ كری و نوكه یێ به‌رنیاسه و خودانێ به‌رهه‌مایه و نوكه ده‌وات گه‌له‌ك كێم بووینه و به‌ری نوكه رۆژانه دچوومه ده‌واتان.
ئه‌یازی ل دۆر نووترین كارێ خوه‌یێ هونه‌ری گۆت: نوكه مژوولی چێكرنا سترانه‌كێ مه ب ناڤێ (ته چه‌وا دل هێ) و ئه‌ڤ سترانه نه بۆ من بتنێ یه، به‌لكو بۆ گه‌له‌ك كه‌سان یه و ژڤانه ل سالا نوی كلیپ بكه‌م و به‌لاڤ بكه‌م.
ل دووماهیێ ژی ئه‌یاز گۆت ژی: هه‌ر كه‌سێ سترانا بێژیت داخباری َسترانبێژه‌كی یه و حه‌زدكه‌ت سترانه‌كێ ل گه‌ل بێژیت، له‌ورا ئه‌ز ژی حه‌زدكه‌م و مرادا منه هونه‌رمه‌ند (زه‌كه‌ریا عه‌بدوللا)ی بینم و سترانه‌كێ ل گه‌ل بێژم.
