مريه‌م ئوزه‌رلى يا ل دهۆكێ
ئه‌ڤرۆ نيوز، فاتما مزوورى:
مريه‌م ئوزه‌رلى، ئه‌كته‌را ناڤدارا تورك بۆ پشكداريكرن د پرۆژێ “پێشمه‌رگه و شنگال” نووترين به‌رهه‌مێ سينه‌ماى يێ به‌همه‌ن قوبادى دێ سه‌ره‌دانا هه‌رێما كوردستانێ كه‌ت.
ب گۆره‌ى پێزانينێن هاتينه به‌لاڤكرن، ئه‌كته‌را سه‌ره‌كى يا درامايا “حه‌ريم سولتان” ل گه‌ل به‌رهه‌مهێنه‌ره‌كێ ناڤدارا تورك ل سه‌ر داخوازا سينه‌ماكارێ ناڤدارێ كورد به‌همه‌نێ قوبادى دوهى رۆژا چارشه‌مبى سه‌ره‌دانا باژێرێ هه‌ولێر كريه و هه‌تا رۆژا شه‌مبيا بهێت دێ ل هه‌رێما كوردستانێ مينيت و نوكه ل پارێزگه‌ها دهۆكێ يه.
وه‌سان دياره پرۆژه‌كێ نوو يێ قوبادى ده‌رباره‌ى “پێشمه‌رگه و شنگال” ل گه‌ل ئه‌ڤێ سينه‌ماكارا ب ئه‌زموونا كورد رێكه‌فتنێ بكه‌ن.
پرۆژێ “پێشمه‌رگه و شنگال” نووترين به‌رهه‌مێ سينه‌ماى يێ به‌همه‌نێ قوبادى يه كو پشتى ئاماده‌كرنا كارێن ده‌سپێكى د قووناغا به‌رهه‌مئينان و ديتنا ده‌ليڤا گۆنجاى يه و بڕياره ل دووماهيا ئه‌ڤ ساله ده‌ست ب كارێ وێنه‌گرتنێ بكه‌ن.
مريه‌م ئوزه‌رلى هه‌ر د ڤێ سه‌ره‌دانێ دا بۆ هه‌رێما كوردستانێ دێ سه‌ره‌دانا باژێرێ شنگال كه‌ت و ژ نێزيك چاڤ ب ڤى باژێرى كه‌ڤيت و به‌رخودانا پێشمه‌رگه‌ى د رزگاركرنا ڤى باژێر كوردنشين كه‌ڤيت.
