مرۆڤێن سه‌ركه‌فتی چ جار ڤان 7 گۆتنان نابێژن
ئه‌ڤرۆ نیوز: ڤه‌ده‌ر ره‌شاڤایی:
تو یێ ل كارێ خوه و هزر دكه‌ی دێ چاوا پتر یێ سه‌ركه‌ڤتی بی، دێ چاوا گه‌هیه وێ قۆناغا مرۆڤێن سه‌ركه‌فتی گه‌هشتیێ. مرۆڤێن سه‌ركه‌فتی دكارێن خوه دا، د چه‌ندین قۆناغان دا دۆربازبووینه هه‌تا گه‌هشتیه وی ئاستی، لێ هه‌كه‌ر ته‌دڤێت وه‌كی وان بی، ئه‌ڤ گۆتنێن ل خارێ ژ هزرا خوه ببه و نه‌بێژه دا بگه‌هیه ئاستێ وان:
1. “ئه‌ز حه‌ز ژ ڤی كاری ناكه‌م”: ئه‌ڤ یه‌كه وه‌سا دیار دكه‌ت تو حه‌ز ژ كارێ بده‌ست ته‌كه‌ڤتی ناكه‌ی و خۆ پێش نائێخی به‌لكو خوه دهێلیه جهێ خوه دا ب ڤێ گۆتنا كو هاندانێ بۆ ته ناچێكه‌ت.
2.” ئه‌ڤه نه دادپه‌روه‌رییه”: كێ گۆتییه ته ژیان یا دادپه‌روه‌ره؟ دڤێت تو خوه لگه‌ل هه‌لبژراتنێن لبه‌ر ده‌ستێ ته بگۆنجینی و بزاڤا پێشڤه‌چوونێ بكه‌ی ژ وێ ده‌لیڤێ.
3.” هه‌می بڤێ رێیێ ڤی شۆلی برێڤه دبه‌ن”: مرۆڤێ سه‌ركه‌فتی داهێنانێ دكه‌ت و نابیته كۆپیكه‌رێ رێ و شێوازێن كه‌ڤن.
4. “تێرا من مووچه‌ی ناده‌نه من”: ئه‌ڤه گازنده‌كا نه‌یا سه‌رنج راكێشه، هه‌كه‌ر دهزرا ته دا نه‌بیت رێیا وی كارێ ته گرتی خوه لسه‌ر ئاڤاكه‌ی پارێ ته‌ژی دێ هه‌ر وه‌كی خۆ مینیت.
5. “ئه‌ڤ كاره ناهێته كرن”: ئه‌ڤ رسته وه‌سا ته نیشان دده‌ت كو ته شیان نین یان ژی ته لبه‌ر نینه خوه بهاڤێژیه كاری و بزاڤێن نوو بجه‌ربینی.
6.” دڤیا با، دا باشتر بیت”: ل شوونا ل جهێ كارێ خوه تو به‌حسێ شاشیێن بۆری بكه‌ی، بزاڤا بكه‌ی وان شاشییا نها راستڤه‌كه‌ی دا سه‌رنجا هه‌ڤكار و سه‌رپه‌رشتێن خوه رابكێشی.
7. “ما چاره چیه، من چ هه‌لبژارتنێن دی نینه”: كه‌سێ سه‌ركه‌فتی ب چێكرنا په‌یوه‌ندییان و داهێنانێ رێییان بۆ خوه ڤه‌دبینیت، لێ مرۆڤێ، نه‌سه‌ركه‌فتی ل هێجه‌تان دگه‌رن، هێجه‌ت ژی د كاری دا چ جار بداوی ناهێن.
