مرۆڤ ژ بەر عەمری یان نەخۆشیێ گیانێ خوە ژ دەست ددەن؟
ئەڤرۆ:
پەیاما بەبەلاڤ ئەوە کو مرۆڤ ژ ئەگەرێ دانعەمربوونێ گیانێ خۆ ژدەست ددەن، بەلێ شاشی د ڤێ گۆتنێ دا ھەنە و یا دروست ئەوە مرۆڤ ژ ئەگەرێ نەخوشی کەتنێ گیانێ خۆ ژدەست ددەن، دەمێ تووشی کارەساتێن ساخلەمیێ دبن و چارەسەری ژ بۆ وان نەبیت.
دەمەک درێژە بەحسێ پشکنینێن ساخلەمیێ و گرنگیا وان بۆ پاراستنا مرۆڤی دھێتە کرن و گرنگیا وان بەری نەخوش ببن ئەوە کو ھەر ئاریشەیەک بھێتە دەستنیشانکرن و پێشوەخت بھێتە چارەسەرکرن بەری مەزن ببیت و کارتێکرنێ ل ھەموو لەشی بکەت.
پتریا جاران پشتی ژیێ پێنجی سالیێ ژن و زەلام تووشی پێتیبوونا ھەستیان دبن، ژبەر ھندێ باشترین شێواز بۆ دیارکرنا ڤێ نەخوشیێ ئەوە کو پشکنینەکا پزیشکی بۆ بڕبڕا پشتێ بھێتە کرن، سەرەرای وێ چەندێ کو دەستنیشانکرنا زوو دەم بۆ پێتیبوونا ھەستییان ل ئاستێ پێدڤی نینە،. ھەکە دیت ئاریشەیەک د تیشکێ دا ھەیە پێدڤیە ب ھاریکاریا نوشداری دەست ب چارەسەریێ بکەی و ژبەر وێ چەندێ ژی ھەر پشکنینەک بۆ ھەستیان ھەکە بھێتە کرن و گوھورین ھەبوون باشترە چارەسەریێن ھورمونی وەربگریت وەکو ئەستروجین و دیسان ب رێکا دەرزیکان بھێتە چارەکرن.
دیسان پشکنینێن کولیسترولی کو پێکھاتینە ژ زانینا پیڤەرێن ئاستێ کولیسترولی و چەنداتیا رێژا چەوریێن بلند و سێیانی و باشترە ئەو زارۆیێن بابێن وان تووشی بلندبوونا کولیسترولی دبن ئەو زارۆ پێدڤیە ل ژیێ حەفت سالیێ ڤان پشکنینان ئەنجام بدەت.
یا ژڤان گرنگتر ژی پشکنینا شەکرێ د خوینێ دا یە کو پیڤان و زانینا رێژا شەکرێ یە پشتی ھەشت دەمژمێران ژ نەخوارنێ و ئەگەر رێژە د بلندبوون نەدوورە گرۆڤێ وێ چەندێ بیت کو تە نەخوشیا شەکرێ ھەبیت.
