مزگه‌فته‌ك ٢١٩ سالن هاتیه ئاڤاكرن و وه‌ك خوه مایه
رەمەزان زەكەریا:
ل سالا ١٩٨٠ روناهیا كارەبێ و ئامیرێن بانگدان و دەنگی گەهشتنە مزگەفتێ و ب درێژاهیا ژیێ خوە حەفت مەلایان پێشنڤێژی و گۆتارخوێنی لێ كریە، بەری ٢١٩ سالان خەلكێ دەڤەرا دارەتۆ هەموویان ملێن خو دانە ئێك و مزگەفتەك ل سەر شێوازێ كەڤنار ئاڤاكر و نوكە ژی هەر ب هەمان ڤیان ئەو پێكڤە د پاراستنا وێ دا هاریكارن و ژبلی كو جهەكێ پەرستنێ یە بوویە ئێك ژ جهێن گرنگ و دیرۆكی لڤێ دەڤەرێ .
غازی مكائیل، پێشنڤێژێ مزگەفتێ بۆ ئەڤرۆ گۆت: ب راستی زۆر مێڤان بۆمە دهێن دەمێ دهێنە ڤێ مزگەفتێ سەرنجا وان بۆ خوە رادكێشیت، بەری چەند سالان مێڤانەك بۆمە هات ماموستایەكێ ئاینی بوو، دەمێ ل ڤێرە پێشنڤێژی كر گۆت ئەڤە سێیەمین جهە كو نڤێژێ تێدا بكەم ئاسودە بم، ئێكەم مەكە و مەدینە و یا دویێ كویە و ئەڤە یا سێیێ یە.
سامر سابر، وەلات بۆ ئەڤرۆ گۆت: بابێ من ٣٥ سالا پێشنڤێژی و خزمەتا ڤێ مزگەفتێ كریە نەهێلایە هێج كێماسیەك بكەڤیتە ناڤا مزگەفتێ ژبەركو ئەڤ مزگەفتە ئاخە پێدڤی ب خزمەتێ هەیە نە وەك ئاڤابیێن دییە هەر جهەكێ وێ تایبەت بەر بارانا تێك بچیت نوژەن دكر.
محەمەد عەبدولعەزیز، بەردەفكێ رێڤەبەریا ئەوقافا بەردەرەش بۆ ئەڤرۆ گۆت: زۆر جاران هندەك خێرخواز هەبووینە كو هاتینە ڤێ مزگەفتێ خراب بكەن و جارەكادی لسەر شێوازێ نوو ئاڤا بكەنە ڤە، بەلێ ئەم وەك رێڤەبەریا ئەوقافا بەردەرەش مە نەهێلایە كەس دەستكاریا مزگەفتێ بكەت.
