مزگەفتا کەڤنا ئاکرێ ب بریارا ئەڤی خەلیفێ پێغەمبەری ھاتیە ئاڤاکرن
ئەڤرو نیوز ، نەوزاد زادە ھلوری:
مزگەفتا کەڤنا ئاکرێ ئێکە ژ مزگەفتێن ھەری کەڤنار ل ھەموو جیھانێ ب شێوەیەک بریارا درۆستکرنا وێ دزڤریت بو سەردەمێ خەلافەتا پێغەمبەری سلاڤێت خودێ لسەر بن.
ل گوەری زانیاریێن دیروکی کو ئەڤرو نیوز ژ وتاربێژ و پێش نڤێژێ مزگەفتا کەڤنا ئاکرێ دەستخوڤە ئینایە دیاردبیت کو مزگەفتا کەڤنا ئاکرێ ب ریارا عومەرێ کورێ خەتابی خەلیفێ راشیدینێ پێغەمبەری سلاڤێت خودێ لسەر بن ھاتیە ئاڤاکرن واتە دزڤریت بو سالێن ٢٠ کوچی ، کود بیتە ئێکەمین مزگەفت ل عیراق و گەلەک ژ وەلاتێن دن یێن جیھانا عەرەبی.
مزگەفتا ئاکرێ دەستپێکێ مزگەفتەکا بچوک بوو بەلێ لسەر شێوەیەکێ ئەندازیاریێ پێشکەفتی ل وی دەمی ھاتبوچێکرن و ژبلی جھێ نڤێژ و وتارا ھەینیێ د ھەمان دەمدا جھێ خواندنێ ژی تێدا ھەبوو و ھژمارەکا زور یا زانایێن جیھانا ئیسلامی ل ئەڤێ مزگەفتێ دەرچوینە و باوەرنامەیێن ئاستێ ماستەر و دکتورایا نھا ددانە دەرچویێن وان کو ل وی دەمی ئەو باوەرنامە ب تنێ ل زانکویا ئەزھەر ل مسرێ ددانە دەرچویان.
پشتی بورینا چەندین سالان مزگەفتا ئاکرێ کەفتیە ژبەر ھەرەشەیێن رژێمێن ئێک لدیف ئێکێ یێن عیراقێ ، بەلێ جارەک دن پشتی دامەزراندنا حکومەتا ھەرێما کوردستانێ ھاتە ئاڤاکرن و نھا زێدەباری کو مزگەفت ھاتیە ئاڤاکرن ، دھەمان دەم دا بویە پەیمانگەھا خواندنا زانستێن ئیسلامی و سەدان قوتابیێن کچ و کور ل ئەوێ مزگەفتێ دخوونن و باوەرنامەیێن دبلومێ ب زانستێن ئیسلامی ددەن وان.
