مسر جارەکا دی پلانا ترامپی ل دۆر غەزە رەت دکەت
سەرۆکێ مسرێ جارەکا دی راگەهاند کو پلانا ترامپی یا ل دۆر غەزە دێ بیتە ئەگەرێ قەیرانەکا دی یا مەزن ل فەلەستینێ و هەموو رۆژهەلاتا ناڤین و ئەو وەکو مسر ل دژی ڤێ یەکێ نە کو خەلکێ غەزە بۆ وەلاتێن دی بهێنە ڤەگۆهاستن.
عەبدولفەتاح سیسی ئەو یەک ژی دیار کر، دڤێت هەموو وەلاتێن جیهانێ ب تایبەتی ژی وەلاتێن عەرەبی هاریکاریا خەلکێ غەزە بکەن دا جارەکا دی غەزە بهێتە ئاڤەدان کرن، نابیت خەلکێ وێ بۆ وەلاتێن دی بهێنە ڤەگۆهاستن، خەلکێ غەزە بخوە ژی پلانا ترامپی رەت دکەن و وەکو مسر ئەم ژی ل دژی ڤێ یەکێ نە.
سەرۆکێ مسرێ داخواز ژ دۆنالد ترامپێ سەرۆکێ ئەمریکا ژی کر کو پێداچوونێ د بەرنامێ خوە یێ ل دۆر غەزەی دا بکەت، چونکی هەکە ب زۆرێ خەلکێ غەزە بۆ وەلاتێن دی بهێنە ڤەگۆهاستن دێ ئەو یەک بیتە ئەگەرێ قەیرانەکا دی یا مەزن بۆ هەموو رۆژهەلاتا ناڤین.
