مسر و تورکیا پشتی چەندین سالان پەیوەندیێن خوە ئاسایی دکەن
به‌ری سه‌ره‌دانا عەبدولفەتاح سیسی سه‌رۆکێ مسرێ بۆ تورکیا، ب فه‌رمانا سیسی پشتی ده‌ه سالان مسرێ جاره‌کا دی بالیۆزخانا خوه ل ئه‌نقه‌ره ڤه‌کر و بالیۆزێ نوو یێ مسرێ ده‌ست ب کارێ خوە کر. ل هه‌مبه‌ر دا تورکیا ژی بالیۆزێ خوه شانده باژێرێ قاهیره یێ پایته‌ختێ مسرێ.
د ڤێ مژارێ دا ره‌جه‌ب ته‌یب ئه‌ردۆغان سه‌رۆک کۆمارێ تورکیا راگه‌هاند کو سروشتیە هندەک جاران په‌یوه‌ندی ئالۆز ببن، لێ نها دەم یێ هاتی وەکو تورکیا ئەم ل گەل وەلاتێ مسرێ دەست ب قۆناغەکا نوو بکەین و پەیوەندیێن خوە ژی ئاسایی بکەین.
دەزگەهێن راگەهاندنا تورکیا ژی دیار دکەن دهێته چاڤه‌رێکرن 27ێ تیرمه‌ها ئه‌ڤسالە عەبدولفەتاح سیسی سه‌رۆک کۆمارێ مسرێ سەرەدانا تورکیا بکەت و ل گەل رەجەب تەیب ئەردۆغان و بەرپرسێن دی هەڤدیتنان بکەت و ئەو یەک دێ بیتە دەستپێکەکا نوو د ناڤبەرا تورکیا و مسرێ دا.
چاڤدێرێن سیاسی ژی دیار دکەن، نها تورکیا د قەیرانەکا گەلەک مەزن یا ئابووری دایە، ژ بەر هندێ ژی تورکیا دڤێت پەیوەندیێن خوە ل گەل وەلاتێن عەرەبی ئاسایی بکەت.
