مشتاخا ئێشانێن بێدەنگ

دلدار محەمەد

1
ئەز ژ كەلەخێن مریان ناترسم
رۆژانە ب سەدان ڤەدشێرم
كەلەخێن خەونان.
2
كەس هندی تە یا نێزیكی من نە بوو یا نێزیكی من نینە
ئەی ئێشان.
3
ئەو رەش رەشكێن
لسەر ناسناما من
هەمی درەون
ئەز هێشتا نەبویمە.
4
من پایز د سێ مەها دا
ئاسێ نەكریە
هەمی دەم بۆ من ب وەریانن.
5
ئێدی وێ گولا وەریایی
گازندە ژ بەلگێن خۆ یێن
لسەر ئاخێ نەكرن
هەكو دیتی ئەز دبەر باخچەیی ڕا بۆریم.
6
عەسمان نینە
بەلێ بەردەوام خەم ژێ دبارن
دێمێ وی.
7
هەكو پاشەرۆژا من دیتی
پاشڤە زڤرین ژ رەشاتیێ كر
هەیڤ دهەمبێزا خودا حەواد
شەڤێ.
8
ژ مێژەیە ڤەشاركانێ نەكری
بەلێ بەردەوام بێدەنگیێ دكەتە دیوار
ل پشت ڤەدشێریت
خەمێن خۆ.

کۆمێنتا تە