مـفایێن مـێلاكـا پـەزی

مێلاكا پەزی پێكدهێت ژ ڤیتامین A، ڤیتامین B12، ترشێ فۆلیك، ئاسن، كروم و زینك كو چەندین مفایێن مەزن بۆ پاراستنا ساخلەمییا لەشی هەنە.
مفایێن مێلاكا پەزی:
1- پاراستن ژ كێم خوینییێ: ئێك ژ باشترین خوارنا یە بۆ چارەسەركرنا نەخۆشییا كێم خوینییێ، ژبەركو دەولەمەندە ب ترشێ فۆلیك و ئاسن.
2- ڤیتامین B12: دەولەمەندە ب ڕێژەیەكا مەزن یا ڤیتامین B12 كو هاریكارە بۆ پێكئینانا تەپكێن سوڕ یێن خوینێ، ڕێگریكرن ل لاوازییا ماسۆلكان و تێكچوونێن مێشكی.
3- ڤیتامین A: ژێدەرەكێ گەلەك باش یێ ڤیتامین A یە كو بۆ پاراستنا ساخلەمییا چاڤان یێ ب مفایە و خانێن لەشی ژ ژناڤچوونێ د پارێزیت.
4- پاراستنا ساخلەمییا ژنێن دوگیان: دەولەمەندە ب پڕۆتین، ئاسن و ترشێ فۆلیك كو بۆ گەشەكرن و پاراستنا ساخلەمییا زارۆكی د گرنگن.
5- پڕۆتین: دەولەمەندە ب پڕۆتینی كو دبیتە ئەگەرێ پاراستنا ماسۆلكان و هەروەسا زوو چاكبوونێ ژ نەخۆشییان.

کۆمێنتا تە