مـۆبايلا خـۆ يا ئهندرۆيد ژ ڤـێ مـهترسـيێ بپارێزه
پهروين سهلاح:
مەترسی یا راستەقینەیە. پتر ژ ٤٠٪ ژ مۆبایلێن ئەندرۆید یێن کەڤن بووین و د بەرەلانە بۆ ڤالاهيێن ئەمنی یێن ئەگەر تێدا هەین.
گۆگل ب خۆ ئەڤ چەندە پشتراست کریە و هۆشداری دایە کو پتر ژ ملیارەک ئامیران د مەترسیا تووشبوون ب بەرنامەیێن خراب (Malware) دانە. پێزانین دیار دکەن کو تەنێ ١٩.٣٪ ژ مۆبایلان ب سیستەمێ ئەندرۆید ١٥ کار دکەن، ١٧.٩٪ ب ئەندرۆید ١٤، د دەمەکێ دا ١٣.٩٪ ب ئەندرۆید ١٣ کار دکەن. ئاریشە ل وێرێیە کو گۆگل ئێدی پشتەڤانیا ئەندرۆید ١٢ یان هەر وەشانەکا كهڤنتر ژ سیستەمێ خۆ ناکەت، ئەڤ چەندە ژی وێ چەندێ دگەهینیت کو گەلەک مۆبایل د بەرەلانە بۆ هێرشان.
ئەرێ هیڤی نەماینە؟ نەخێر، گۆگلێ چارەسەریەک یا هەی. نووکرنا (Update) ئامیرێ تە و دانانا نووترین وەشان ژ سیستەمێ کارپێکرنێ ب ساناهیترین کارە تو بشێی ئەنجام بدەی، لێ گۆگل ئامۆژگاریەکا دی ژی دا وان کەسێن مۆبایلێن کەڤن ب کار دئینن : “Google Play Protect، کو سیستەمەکێ پاراستنێ یێ ناڤخۆیی یە د ئەندرۆید دا دژی بەرنامەیێن خراب و یێن نەخواز يێ بەردەوامە ل سەر پشتەڤانیکرنا ئامیران ژ ئەندرۆید ٧ و بەرەڤ سەر دا کو هاریکار بیت بۆ پاراستنا بکارئینەران”، وەک نوونەرەکێ کۆمپانیێ بۆ کۆڤارا فۆربس (Forbes) دیار کری.
کۆمپانیا ئاپل (Apple) تووشی زەحمەتێ بوویە د هاندانا بکارئینەران دا بۆ نووژەنکرنا سیستەمێ iOS 26 کو نووترین وەشانە. بەرهەمهێنەر هەر دەم ئامۆژگاریێ دکەن کو نووژەنکرن بهێتە کرن، چونکی باشترکرنا لایەنێ ئەمنی ب گشتی ل سەر نووترین وەشانا سۆفتوێرى دهێتە کرن.
د گەل وێ چەندێ ژی، ئەو بەردەوام کار ل سەر وەشانێن کەڤن ژی دکەن دا کو پاراستنێ بۆ وان کەسان دابین بکەن یێن کو هێشتا ئامیرێن خۆ نووژەن نەکرین.
