مـەسرۆر بـارزانـی د رەوایەتیا دۆزا نەفتا هەرێمێ دا بسەركەفت
زەكی نایف بانەسوری
ل رۆژا ٢/ ٢ / ٢٠٢٥ جڤاتا نوونەرێن ئیراقا فیدرال دەنگ ل سەر راستڤەركرنا یاسایا بۆدجێ دا و د ڤێ راستڤەكرنێ دا ب فەرمی رەزامەندی هاتەدان داكو دوبارە هنارتنا نەفتا هەرێمێ دەست پێ بكەت، ئەڤە ب سەركەفتنەكا مەزنا سیاسی و یاسای و ئابووری دهێتە هژمارتن ب تایبەت بۆ كابینەیا سەرۆك وەزیر مسرۆر بارزانی و خەلكێ هەرێما كوردستانێ ب گشتی، چونكو:
١ـ هەر ل دەمێ سالا 2014 حوكمەتا هەرێمێ دەست ب هنارتنا نەفتا خۆ كری، ب رەنگەكێ سەربخۆ ب رێكا بەندەرێ جیهانی یێ توركی. هەر زوی ئەڤە بوو جهێ نەرازیبوونێ و سكالا حوكمەتا فیدرال ل بەغدا و ل سالا ٢٠١٧ دۆز گەهاندە ژۆرا بازرگانیا نیڤدەولەتی ل پاریس و ل سالا ٢٠٢٣ ئەڤ دۆزە د بەرژەوەندیا حوكمەتا فیدرال دا هاتە پەژراندن و هنارتنا نەفتا هەرێمێ ب نەدەستووری هاتە هژمارتن. ب ڤێ ئێكێ هەرێم تووشی تەنگاڤیەكا ئابووری و مادی یا مەزن بوو.
٢ـ دگەل پەسەندكرنا ڤێ راستڤەكرنێ:
أ ــ لسەر ئاستێ ناڤخۆ هناردەكرنا نەفتا هەرێمێ شەرعیەتا خۆیا یاسای و دەستووری وەرگرت.
ب ــ لسەر ئاستێ نیڤدەولی ژی بەهانەیا بریارا ژۆرا بازرگانی یاپاریس نەما و بدوماهیك هات، و نوكە نەفتا هەرێمێ بوو بەشەكێ دان پێكری د بازارێ نەفتا جیهانی دا.
٣ـ حوكمەتا فیدرال دپیلانا خۆیا لاوازكرنا پیگەهێ هەرێمێ دا ب سەر نەكەفت چونكو:
أــ فشار و بزاڤێن مەزن دكرن حوكمەتا هەرێمێ نەچار بكەت ب تەمامی دەستبەرداری بادەكا هنارتنا نەفتا خۆ ببیت و خەونا سەربخۆیا ئابووری بدوماهیك بهیت.
ب ــ دشێم بێژم ب رەنگەكێ تەڤای هەمی دۆرپێچین مادی و معنوی یێن بەغدا ل سەر هەریمێ تشتەك نەمینیت، ب ناڤێ كیانێ سیاسی یێ كوردی د ئیراقێ دا.
لێ ئەڤێ پیلانێ شكەستن ئینا ل هەمبەری كاڕامەی و دیبلۆماسیا سیاسی و یاسایا سەرۆك وەزیر و حوكمەت و خۆڕاگریا خەلكێ هەرێمێ و دشێم بێژم ژ نوكە پیڤە ئەم كەفتینە د دەستپێكا قۆناغەكا نوی دا و دەرگەه بۆ سەركەفتنێن مەزنتر هاتە ڤەكرن.
