مـە دسـتوورەک نوو دڤـێت
نومان کورتولمیش سەرۆکێ پەرلەمانێ تورکیا راگەهاند، پێدڤیا تورکیا ب دستوورەکێ نوو هەیە، دڤێت دستوورێ نوو یێ تورکیا ببیتە ژێدەرێ چارەسەریا گەلەک پرسێن نها یێن تورکیا، نابیت هندەک ئالیێن سیاسی وەسا بەرێ خوە بدەنە دستووری کو دڤێت ل گۆر بەرژەوەندیێن وان بیت، بەلکو دڤێت دستوورێ نوو یێ تورکیا ببیتە دستوورەک کو هەموو وەلاتیێن تورکیا ژێ رازی بن، ژ بەر ڤێ یەکێ ژی مە دڤێت هەموو هێزێن سیاسی، رێکخستنێن جڤاکێ سیڤل، ئەکادیمی و رەوشەنبیرێن تورکیا ژی نێرینێن خوە ژ بۆ چاوانیا ئامادەکرنا دستوورەکێ نوو دیار بکەن.
ناڤهاتی ئەو یەک ژی دیار کر، نها گەنگەشە ل سەر چاوانیا ئامادەکرنا دستوورەکێ نوو د ناڤ تورکیا و هەروەسا ل پەرلەمانی دا دهێنە کرن، ئەو یەک ئاسایی یە، لێ جارێ ژ بۆ دستوورەکێ نوو خەباتەک مەزن ل پێشیا تورکیا یە.
