مـە یێ داخوازکری دەرمـالەیێن مەترسیێ وەکو یێن بەغدا لێ بهێن
د.سامان بهرزنجى، وهزیرێ ساخلهمیا حكومهتا ههرێما كوردستانێ دیاركر دهرمالێن مهترسیێ ئێك ژ دهرمالێن كارمهندێن ساخلهمیێ نه بهلێ كۆمهكا دهرماله و ئمتیازاتێن دى ههنه د سیستهمێ مۆچهیى و سیستهمێ یاسایى دا ل عیراقێ و لدویف ئتیفاق و وێ پابهندیا حكومهتا ههرێما كوردستانێ بۆ لێئێكخستنا لیستا موچهیى و خهرجیان ژلایێ بهغدا ڤه، و پێدڤیه بهغدا وێ دهرفهتێ بدهته ههرێما كوردستانێ شایستهیێن فهرمانبهرا و نۆشدار و كارمهندا ب شێوهیهكێ گشتى یان ئهو تهعویزاتێن ههین ههمیان وهك یێن فهرمانبهرێن عێراقێ لێ بكهت، چونكو د ههمان بودجهیێ یاسایى یێ عیراقێ دا ل دووف یاسا بودجهیا عیراقێ دیاره بۆ سێ سالێن 2023 و 2024 و 2025 ماف و شایستهیێن ههمى فهرمانبهرێن ههرێما كوردستانێ ههمان مافێن فهرمانبهرێن ههرێما كوردستانێ بان، و مه بشێوهیهكێ رهسمى داخوازكریه و كار ژی بو دكهین، بهلێ دنوكهدا عیراق ب شێوهیهكێ رێكو پێك ددهمێ خودا موچهیى ژی نا هنێریت نهك دهمالان، هیڤیدارین دگهل دروستبوونا حكۆمهتا نویى یا عیراقێ دگهل بودجهیى دا ئهف ههمى بابهته بهێنه چارهسهركرن وهك یێن عیراقێ لێ بهێن، چونكو بارگرانیهكا زێدهتر ژ نۆشدار و کارمهندێن ساخلەمى یێن عیراقێ دبینن، چونكو گهلهك ئاواره و پهنابهر و مێهڤان ل ههرێمێ ههنه و چهندین ساله دامهزراندن ژی ل ههرێما كوردستانێ نینه، ئهم پێدڤى ب دامهزراندنێ نه، چونكو بهردهوام ژێرخانا ساخلهمى و پرۆژێن ساخلهمى دهێنه دانان و ڤهكرن.
د.سامان بهرزنجى دیاركر ژی دلگرانین بۆ ههر هاولاتیهكێ ههرێما كوردستانێ دهمێ تووشى پهنجهشێرێ دبیت و گرنگیهكا زێده ددهنه وان نهخۆشان و سوپاسیا سهرۆكێ حكومهتا هەرێما كرودستانێ دكهین بۆ وێ پشتهڤانیا ل وهزارهتا ساخلهمیی دكهت و ب تایبهت ئهو پشتهڤانیا بۆ نهخۆشێن پهنجهشێرێ دكهت و پالپشتیا صندوقا پهنجهشێرێ بو نهخۆشێن پهنجهشێرێ دگهل چارهسهریان بۆ دابین دكهت، ل سهنتهرێن پهنجهشێرێ ههر ژ دهستنیشانكرنێ و چارهسهركرن و نشتهرگهریكرن بێ بهرامبهر بۆ ههمى هاولاتیان دهێنه پێشكێشکرن، چارهسهریا كیمیاوى ب تنێ ل نهخۆشخانێن حكومی ههیه ب هاولاتیان دهێتهدان بێ بهرامبه، بابهتێ لێزهرا پهنجهشێرێ بتنێ ل كهرتێ گشتى ب تنێ ههیه ل كهرتێ تایبهت نینه، زێدهتر ژ سالهكێ یه مه داخازا دامهزراندێ كریه، چونكو ئهم پێدڤى ب گهلهك كارمهندێن ساخلەمیێ نه د ههمى بواران دان ب تایبهت نێرسا و برێیا ئهنجۆمهنێ راژه و دگهل شاندێن دان وستاندنێ یێن حكومهتا ههرێما كوردستانێ دگهل بهغدا بهردهوام مه داخازكریه دگهل لیستا دهرچوونێ یا ههمى سالان یێن دەرچوویێن بهشێن ساخلهمیێ مه داینه بهغدا چونكو بهردهوام ئهم نهخۆشخانه و سهنتهر و پشکێن نویى ڤهدكهین ئێكجا رێژا كارمهندا كێم دبیت، د سالا 2025 ژبهر پابهندیا مه ب یاسا نویى یا خانهنشینێ نێزیكى 3 هزار فهرمانبهرێن ساخلهمىێ خانهنشین بوون، دبهرامبهر دا حكومهتا ههرێما كوردستانێ گهلهك كارمهند ل زاخۆ و دهۆك و ئامێدى و بهحركه ل ههولێرێ و سوران و سلێمانى و ههلهبجه و ناحیا بیاره دامهزراندن ژبهر وان نهخۆشخانه و سهنتهرێن نویى ژلایێ وهزراهتا ساخلهمیێ ڤه هاتینه ڤهكرن دا بشێن زێدهتر خزمهتا خهلكێ خو بكهین.
