مفایێن ئاڤا جەھی
ئه‌ڤرۆ نيوز:
ئاڤا جەھی ئێک ژ باشترین ڤەخوارنێن سروشتیە بۆ ساخلەمیێ، و گەلەک خەلک ڤەدخۆن و بتیابەت ل وەرزێ ھاڤینێ، چونکو گەلەک کەرستێن خوارنێ یێن گەلەک گرنگ دناڤ دا ھەنە و گەلەک ب مفانە بۆ ساخلەمیا مرۆڤیو گەلەک نەخۆشیان ژ مرۆڤی دوور دکەت. ئاڤا جەھی گەنجینەکا کانزا و ڤیتامینایە کو دبیتە ڤەخوارنا ئێکێ یا نۆشدار شیرەتان بۆ ڤەخوارنا وێ دکەن، ل ڤێ دووماھیێ ھندەک تامێن دی ل سەر \اڤا جەھی ھاتینە زێدەکرن وەکو فەراولە و سێڤ و توو و ھندەکێن دی.
مفایێن ئاڤا جەھی:
• ئاڤا جەھی ناسیارترین ڤەخوارنە بۆ چارەکرنا ئاریشێن کوئەندامێ میزێ کو بۆریێن میزێ تافیل دکەت و گولچیسکان ب بزاڤ دئێخیت و بەرکان د بوھژینیت و ناھێلیت بەرک د گولچیسکان و میزلدانکێ و کیسکێ زەراڤێ دا چێببن.
• ئاڤا جەھی رێژەکا بلند ژ ئەلیاڤێن شینکاتیان د ناڤ جدا ھەنە کو ھناڤان ب ھێز دئێخیت و ژ کەرستێن ژەھراوی تافیل دکەت.
• یا ھاریکارە بۆ نزمکرنا پلێن گەرماتیێ و لەشی ڤەدژینیت لەورا ل ھاڤینان گەلەک دھێتە ڤەخوارن.
• بۆ ژنێن دوگیان یا باشە کو ناھێلیت ئەو تووشی ژو ھەودانێن کوئەندامێ میزێ ببیت و زڤرینا خوینێ ب بزاڤ دئێخیت و ساخلەمیا وێ باشتر لێدکەت و ئاستێ شەکرێ د خوینێ دا رادگریت لەو ناھێلیت ئەو تووشی شەکرا دوگیانیێ ببیت.
• بۆ چارەکرنا نەخۆشیا “ئەنیمیا” ئانکو ھەژاریا خوینێ یا باشە ژ بەر وان کانزا و ڤیتامینێن د ناڤ دا و بتایبەت ئاسن و سفر کو بۆ بەرھەمئینانا خوینێ د باشن.
• بۆ سوتنا سعرێن گەرمێ و کێمکرنا سەنگێ یا باشە چونکو مرۆڤی تیر دکەت و ناھێلیت گەلەک خوارنێ بخۆت.
• کوئەندامێ بەرھنگاریێ ھانددەت و ناھێلیت لەش تووشی چو نەخۆشیان ببیت ئەوێن ژ ڤایرۆس و بەکتریا چێدبن چونکو ڤیتامین c یێ د ناڤ دا ھەی لەورا بۆ نەخۆشیێن سەرمایێ و بپەرسڤێ یا باشە.
• ئاڤا جەھی رێژا ولیستۆلی کێم دکەت و دلی ژ نەخۆشیان دپارێزیت و فشارا خوینێ رێکدئێخیت.
• مرۆڤی ژ پشبوونا ھەستیان دپارێزیت چونکو رێژەکا بلند یا کالسیومی و فسفۆری و سفری یا د ناڤ دا.
• دژی پیربوونێ یە و ناھێلیت پیستێ مرۆڤی بقورمچیت و دێمێ مرۆڤی ڤەدکەت.
