مفایێن باھیڤان بۆ ژنا دوگیان و زارۆی
ئه‌ڤرۆ نيوز:
باھیڤ گرنگترین جۆرێ چەرەزانە و کارتێکرنەکا باش ل سەر ساخلەمیا ژنا دوگیان و سۆریلانکێ وێ دکەت، ئێک ژ ساخلەتێن باھیڤێ نە ب تنێ تاما وێ یا خۆشە، بەلکو ھندەک کەرستێن گرنگ د ناڤ دا ھەنە وەکو سفر، نیاسین، پوتاسیۆم، مەگنیزیۆم، ریبۆفلاڤین، فسفۆر و کالسیۆم، زێدەباری گەلەک کەرستێن دیێن گرنگ، وەکو ترشیێ فۆلیک، ئۆمێگا 9، ئۆمێگا 6 و ریشالۆک.
مفایێن باھیڤێ بۆ ژنا دوگیان و سۆریلانکێ وێ:
ھەستیێن سۆریلانکی ئاڤا دکەت، ژبەرکو گەلەک کالسیۆم و فسفۆر د ناڤ دا ھەنە.
دروستکرنا ددانێن سۆریلانکی ب شێوەیەکێ ساخلەم پشتی بوونێ، ئەو ژی ژبەر ھەبوونا رێژەیەکا مەزن یا کالسیۆمی د ناڤ دا.
ناھێلیت ژنا دوگیان تووشی ژەھرازیبوونا خوارنێ بیت.
ژنا دوگیان ژ نەخۆشیێن دلی و نزمبوونا فشارا خوینێ دپارێزیت، ھەروەسا ناھێلیت روون د ناڤ دەمارێن خوینێ دا کۆمڤە بیت.
وەرارا مەژی و کوئەندامێ دەمارێن زارۆی ب شێوەیەکێ ساخلەم، ژبەرکو ڤیتامین B9 د ناڤ دا ھەیە.
باھیڤ ناھێلیت زارۆ تووشی تێکچوونا سەروسیمای ببیت، ژبەرکو ترشیێ فۆلیک د ناڤ دا ھەیە.
یا زانایە کو ژنا دوگیان تووشی قەپزبوونێ دبیت، لەورا خوارنا باھیڤێ ا ھاریکارە بۆ سڤککرنا وێ.
دبیت ژنا دوگیان ھندەک جاران ھەست ب وەستیانێ بکەت، لەورا باھیڤ یا ھاریکارە وێ ھەستی سڤک بکەت.
د قۆناغا دوگیانیێ دا ژن تووشی ھندەک گوھۆرینێن جەستیی دبیت، باھیڤ یا ھاریکارە بۆ راگرتنا جوانیا ژنێ و ناھێلیت پرسک و راڤ ل سەر لەشێ وێ دیار بکەن.
باھیڤ یا ھاریکارە بۆ پاراستنا سەنگێ ژنێ.
رێ ل بەر تووشبوونا نەخۆشیا شەکرێ دگریت.
بیردانکێ ب ھێز دئێخیت، ژبەرکو ریبۆفلاڤین د ناڤ دا ھەیە و ئەو مەژیێ ژنێ چالاک دکەت.