مفایێن بەرێخوەدانا زنجیرێن درامایێ ل رەمەزانێ
ئه‌ڤرۆ نيوز:
د ھەیڤا رەمەزانێ دا کارێن ھورنەریێن ل سەر شاشێن تەلەڤزیۆنا دھێنە نمایشکرن زێدە دبن وەکو زنجیرێن درامایێ و فلم و ستران و بەرنامە، ھەکە ھوون ئەو بن یێن بەرێخوە ددەنە ڤان زنجیرێن درامایێ ئەم شیرەتان ل ھەوە دکەین زنجیرێن کومێدی ھەلبژێرن دا گەلەک ل بەر بکەنە کەنی.
کەنی ب شێوەکێ گشتی گەلەک یا ب مفایە بۆ ساخلەمیا دەروونی و جەستەیی، ل ڤێرێ دێ بۆ ھەوە شەش مفایێن کەنیێ بۆ ساخلەمیا ھەوە دیار کەین و دێ پتر مفای بینن ھەکە ھوون زێدەتر بەرێخوە بدەنە دراما کومێدی:
کەنی شیانێن کو ئەندامێ بەرھنگاریێ زێدە دکەت، بەرۆڤاژی فشارێن رۆژانە کو شیانێن وی کێم دکەن.
کەنی مەترسیا تووشبوونا ب نەخۆشیێن دلی کێم دکەت.
کەنی شانێن مێشکی ب بزاڤ دئێخیت.
کەنی کوئەندامێ ھەناسێ و پەردا رێگر ددەتە کاری، ھەروەسا زەپلەکێن سەروچاڤان و پێ و دەستان کو ئەڤ چەندە وەکو راێنانێن وەرزشیە.
کەنی ئێشانان تەنا دکەت، دەمێ مرۆڤ دکەتە کەنی ھورمۆنێ “ئەندرۆفین” دەردکەڤیت و ئەو تەناکەرەکێ سروشتیە بۆ ئێشانان.
کەنی خڕخڕا مرۆڤی ل دەمێ نڤستنێ کێم دکەت ژ بەر تەنا بوونا زەپلەکێن کرکێ و حەفکێ.