مفایێن زیرەکیا چێکری بۆ کار و کارسازان
پەروین سەلاح:
د گەل دەربازبوونا دەمی، دشێت پێدڤیان بزانێت و بریارێن ژیرانە بدەت؛ ژبەر وان تێبینیێن ل دەف چێدبن. ل خوارێ چەند خالەکن بۆ نیاسینا گرنگیا زیرەکیا دەستکرد د جیهانا کار و بازرگانیێ دا:
زێدەکرنا شیان و بەرهەمداریێ
زێدەکرنا شیان و بەرهەمداریێ ئێک ژ گرنگترین مفایێن بکارئینانا زیرەکیا دەستکردە تەکنۆلۆژیایێ کار و بارێن ژیانێ ب ساناهی کریە د مامەلەکرنێ دگەل ئەرکان د ئاستەکێ دا کو مرۆڤ نەشێت مامەلێ دگەل دا بکەت. ژبەر هندێ، ڕاکرنا ئەرکێن وەسا ژ سەر ملێن کارمەندێن مرۆڤ ڕێکێ ددەتە مرۆڤی کو بچیتە سەر ئەرکێن دی یێن کو تەکنۆلۆژیا نەشێت ئەنجام بدەت بۆ ب لەزکرنا کاران.
باشترکرنا لەزاتیا ئەنجامدانا کاری
دەمێ کار د ڤی سەردەمێ دیجیتاڵی دا پێش دکەڤن، دێ زیرەکیا دەستکرد هاریکاریا وان کەت کو ب لەز بهێنە بکارئینان، هەروەسا دەمی دابین دکەت دەمێ ژ دیزاینێ بۆ بازاڕکرنێ ڤەدگوهێزن، خولێن گەشەپێدانا شیانێن جۆراوجۆر و ب لەز دابین دکەت، ئەڤە ژی دێ بیتە ئەگەرێ وەبەرهێنانەکا باشتر و پێشکەفتی تر.
بساناهيا گەشەپێدانا کاری و بلندکرنا شیانێن ڕێڤەبەریان
ڕێڤەبەرێن جێبەجێکار دشێن زیرەکیا دەستکرد بکاربینن بۆ بەرفرەهکرنا مۆدێلا کاری و سیاسەتێن کو کۆمپانی بکار تینیت بۆ باشترکرنا کارکرنا خوە.
بلندکرنا ئاستێ خزمەتا بكران
خزمەتا بكران یا ب لەز و ئاسان د هەر دەم و جهەکێ دا دابین دکەت بێی کو پێدڤی بیت بۆ دەمەکێ درێژ ل هیڤیا فەرمانبەرێ خزمەتگوزاریێ بمینی. ئەڤ پرۆسەیە ب ڕێکا “چات بۆت” (chatbot) دهێتە کرن کو پرۆگرامەکە لاسایا ئاخڤتنا مرۆڤی یان گەنگەشێ دگەل بكران دکەت ب ڕێکا مالپەران و ئەپلیکەیشنێن مۆبایلێ.
باشترکرنا چاڤدێریا کاران بۆ خوپاراستن ژ کێماسی و ئاریشەیان
زیرەکیا دەستکرد دشێت بڕەکا مەزن یا داتایان وەربگریت و چارەسەر بکەت. بۆ نموونە، دشێت وان پێزانینان وەربگریت یێن کو ئامیرێن ل سەر ئامرازێن کارگەهێ کومکرینە بۆ زانینا ئاریشەیان د وان مەکینەیان دا و پێشبینیکرنا چاککرنا پێدڤی و دەمێ وێ. ب ڤێ چەندێ، ڕێگریێ ل ڕاوەستیانێن گرانبها دکەت.
ڕێڤەبرنا شیانان ب شێوەیەکێ باشتر د کاری دا
کۆمپانی زیرەکیا دەستکرد بکاردئینن بۆ باشترکرنا لایەنێن ڕێڤەبرنا شیانان، ژ سادەکرنا پرۆسەیا دامەزراندنێ حەتا نەهێلانا جوداکاریێ د پەیوەندیێن کۆمپانیێ دا و ئەو پرۆسەیێن کو زیرەکیا دەستکرد پالدەریا وان دکەت کارتێکرنێ ل سەر بەرهەمداریا هێزا کاری دکەن د پشکنینا بەربژێرێن ئاست بلند دا ب هوورى.
بهێزکرنا براندێ ب زێدەکرنا تایبەتمەندیێ
براند داتایان ژ کرینێن کەڤن و چالاکیێن سۆشیال میدیایێ، بۆ نموونە، بکاردئینن، دا بزانن کا چ جورە بەرهەم ژ لایێ کرین کاران ڤە دهێنە ڤیان. ئەڤە ڕێکێ ددەتە وان کو ناڤەرۆک و نامەیێن تایبەت ب بكرا پێشکێش بکەن. ڕۆلێ زیرەکیا دەستکرد ل ڤێرە هەلبژارتنا شێوازێن بریاردانێ یە، پاشی ئاراستەکرنا ناڤەرۆکێ بۆ بکارئینەران ب شێوەیەکێ دگەل کەسایەتیا وان بگونجیت.
دامەزراندن ب شێوەیەکێ بێلایەن و دروست
زیرەکیا دەستکرد شیانان د پرۆسەیا دامەزراندنێ دا زێدە دکەت، ب ڕێکا پەیوەندیێن پشکنینێ یێن ئۆتۆماتیکی و ئۆتۆماتیککرنا شلوڤەکرنا داخوازنامەیێن بەربژێران. بۆ نموونە: هاریکاریێ دکەت د ب لەزکرنا پرۆسەیا پێداچوونا بەربژێری دا، و ژناڤبرنا جوداکاریێ بەرامبەر فەرمانبەرێن دیارکری د ژینگەها کاری دا.
دابینکرنا پارەی و بەردەستکرنا دەلیڤەیێن زێدەتر
تەکنۆلۆژیایێن زیرەکیا دەستکرد دشێن هەموو حەفتیێ ٢٤ دەمژمێران کار بکەن بێی کو هەست ب ماندیبوونێ بکەن.
