مفایێن سەرشووشتنێ ب ئاڤا سار
پتر‌‌یا خەلکی پێ باشە ل زڤستانێدا ب ئاڤا گەرم خۆ بشۆن، بەلێ تایبەتمەند ئاماژە ب مفایێن ساخلەمیێ یێن خۆشووشتنێ ب ئاڤا سار دکەن ل وەرزێ زڤستانێ دا.
ل دووڤ ماڵپەڕی “ Times Now “ خۆشووشتن ب ئاڤا سار ل زڤستانێدا جۆرەکە ژ جۆرێن وەرزشکرنا ب مفا بۆ ب دەستڤەئینانا دلەکێ ساخلەم، دگەل ڤێ چەندێ پارێزگاریێ ل ساخلەمیا پیستی دکەت، هەروەسا هشیاریا مرۆڤی زێدەدکەت، سیستەمێ بەرگریێ ب هێزدکەت و زڤرینا خوینێ چالاک دکەت، هەروەسا ئێشانێن ماسولکان کێمدکەت.
بەرکەفتن ب ئاڤا سار دبیتە ئەگەرێ باشترکرنا زڤرینا خوینێ ئەڤەژی دبیتە ئەگەرێ زێدەبوونا چوونا خوینێ بۆ ئەندامێن گرنگێن کو ئۆکسجینی و ماددەیێن خوارنێ بلند دکەن، ب ڤێ چەندێ ساخلەمیا دلی و خوێنبەران باشتردکەت.
خۆشووشتن ب ئاڤا سار هاریکارە ل بەرهەمئینانا خڕۆکێن سپی یێن خوینێ، کو کۆئەندامێ بەرگریێ بهێز دبیت و ئەگەرێ تووشبوونێ ب هەوکرنێ و نەخۆشیان کێمدکەت، ئاڤا سار دبیتە ئەگەرێ زێدەبوونا لێدانێن دلی و هەناسەدانێ و ئەڤەژی دبیتە ئەگەرێ زێدەبوونا هێزێ و باشتربوونا رەوشا دەروونی و وەدکەت هەست ب ئارامیا زێدەتر بکەی.
هەوکرن و ئێشانا ماسولکان کێمدکەت ب دابەزاندنا پلەیا گەرمیا شانان ب ڤی شێوەی ژی هاریکاریا دەرئینانا ژەهران ددەت هەروەسا ئاڤا سار کونێن پرچێ توند دکەت و چەوریان کێم دکەت و پرسکان ناهێلیت.
