مفایێن فلفلکێن رەش بزانە
ئەم ھەموو فلفلکێن رەش وەکو جۆرەکێ بھاراتان بکار دئینین، چونکو تامەکا زێدەتر ددەتە خوارنێ، بەلێ پێدڤیە ئەم بزانین کو فلفلکێن رەش بۆ ساخلەمیا مرۆڤی ژی گەلەک ب مفانە، ژ وان مفایان:
دھاریکارن بۆ رێگرتنێ ل پەنجەشێرێ: ل دووڤ ڤەکۆلینەکا بنگەھێ پەنجەشێرێ ل زانکۆیا میشگان یا ئەمریکی وەسا دیار بوویە کو فلفلکێن رەش ناھێلن وەرمینا پەنجەشێرا مەمکی وەرارێ بکەت، کەرستێ “بیبیرین” یێ د ناڤ فلفلکا رەش دا رۆلەکێ کارا بۆ پاراستنا ژ پەنجەشێرێ ھەیە. ھەروەسا دوپاتکریە کو ھەکە رھا زەر بکەنە سەر فلفلکا رەش تایبەتمەندیا دژە پەنجەشێرێ زێدەتر لێدکەت.
ھاریکاریا ھەرەسانێ دکەت: کەرستێ “بیبیرین” یێ د ناڤ فلفلکێن رەش دا بۆ کوئەندامێ ھەرسانێ گەلەک یێ باشە و کار دکەت کو مەعیدە پتر تڕشاتیێ “ھیدروکلوریک” بەردەت، کو ئەڤ تڕشاتیە یێ پێدڤیە بۆ ھەرەسانا پروتیناتان و خوارنێن دی، و ناھێلت خوارن بمینیتە ل سەر مەعیدەی و مرۆڤی ژ زکچوون و قەپزبوون و بەرسۆژێ دپارێزیت.
یا ھاریکارە بۆ کێمکرنا سەنگێ: فلفلکێن رەش گەلەک ب مفانە بۆ ھەرەسانەکا ساخلەم و سۆتنا روون و بەزان، زێدەباری کو ھاندانا خوھدانێ و میزتنێ دکەت کو رێیەکا باشە کو لەشێ مرۆڤی ژ تەڕاتیێن زێدە و کەرستێن ژەھراوی پاقژ ببیت.
به‌رهه‌ڤكرن، به‌يار زاويته‌ى:
