مفایێن نڤستنا زارۆیێ شیر خۆر ل بەر سینگێ دایکێ
ئەڤرۆ نیوز:
سەرەرای وا ھۆشداریێن بەردەوام ل سەر نڤستنا زارۆیێ شیرخۆر ل بەر تەنشتا دایکێ، ڤەکۆلینەکا نوو وەسا ئاشکرا کریە کو ئەو زارۆیێن ل گەل دایکێن خوە دنڤن پتر مفای ژ شیرێ وێ دبینن.
ڤەکۆلینێ ئاماژە دا کو ئەو دایکێن زارۆیان ل بەر تەنشتا خوە دنڤینن پتر ژ وان ژنان یێن زارۆیێن وان ب تنێ دنڤن شیری ددەنە زارۆیێن، ھەروەسا دوجارکی پتر شیری ددەنە زارۆیێ خوە بۆ دەمێ شەش ھەیڤان.
پرۆفیسۆر “ھێلین بوول” مامۆستایا زانکۆیا دوورھام یا بریتانی دیار کر کو ئەو دایکێن پتر درژد بۆ دانا شیرێ سروشتی ئەو بوون یێن زارۆیێن خوە ل نک خوە دنڤاندن.
ڤەکۆلەران وەسا پێشنیاز کر کو دایک پتر پێدڤی ب پێزانینانە ل سەر دۆر چاوانیا ھەڤپشککرنا تەختێ نڤستنێ ل گەل زارۆیێ خوە ل دەمێ شیردانا سروشتی.
