مفایێن نیسکی وەدکەن تو ھەرۆژ بخویی
ئەڤرۆ نیوز:
نیسک ئێک ژ وان خوارنانە یێن د مالێن مە ھەموویان ڤە ھەی، ژ بەر تاما وێ یا خۆش و مفایێن وێ و ئەرزانیا بھایێ وێ، زێدەباری بساناھیا چێکرنا وێ.
ل دووڤ گۆتنا شارەزایێن خوارنێ، نیسک باشترین ژێدەرە بۆ پرۆتینێن کێم روون، ھەروەھا ژ خوارنێن دەولەمەندە ب کانزا و ڤیتامین و کەرستێن دژی گیرھەبوونێ، خوارنا ب شێوەکێ رۆژانە جەستەیێ مرۆڤی ب ھێز دئێخیت و ساخلەمیا مرۆڤی باشتر لێدکەت.
مفایێن نیسکێ ھەکە رۆژانە بخوی:
1- نیسک باشترین ژێدەرێ پرۆتینێن بێ کولیسترۆلێ خرابە یێن د ناڤ گوشتێ سۆر دا ھەی، ھەروەھا مەترسیا مرنا ب نەخۆشیێن دلی و پەنجەشێرێ کێم دکەت.
2- نیسک یا دەولەمەندە ب ئەلیافان ئەوێن ھاریکار بۆ ھەرەسانا خوانرێ ب شێوەکێ ساخلەم و ناھێلیت مرۆڤ قەبز ببیت و مەترسیا پەنجەشێرا قولونێ کێم دکەت.
3- نیسک دلی دپارێزیت، چونکو قەبارەکێ مەزن یێ تڕشاتیێ فولیک و مەکنیزیۆم یێن د ناڤ دا ھەین ئەوێن ساخلەمیا دلی دپارێزن، و کار بۆ پاراستنا دەمارێن خوینێ دکەت و ناھێلیت نەخۆشیێن دل نێزیکی مرۆڤی ببن و زوڤیرینا خوینێ د ناڤ لەشی دا خورت دکەت.
4- سێنیکەکا نیسکێ رۆژانە، قەبارێ ئاسنێ پێدڤی ددەتە لەشی، و ناھێلیت ھەژاریا خوینێ و کێم ھشی پەیدا ببن.
