ملیار دینار بۆ چارهسهركرنا ئاریشا پڕۆژهیێ ستراتیژی یێ ئاڤا ئامێدیێ هاتنه تهرخانكرن
ئامێدیێ، مهحمود نهێلی:
ژ بۆ چارهسهركرنا ئاریشا پڕۆژهیێ ستراتیژی یێ ئاڤا ئامێدیێ، كو ل دهمێ شێلیبوونا زێده نهدشیا ئاڤێ بدهته وهلاتیان، گوژمێ ملیار و پێنجی ملیۆن دینار هاتینه تهرخانكرن.
وارشین سهلمان، دهڤهردارێ ئامێدیێ، بۆ رۆژناما ئهڤرۆ دیار كر، دهمێ ئاستێ شێلیبوونا ئاڤا رووبارێ زێی ژ هزارێ دهرباز دبوو، دیسا ژ بهر ههبوونا رێژهكا زۆرا خیزی د ناڤ دا پڕۆژهیێ ستراتیژی یێ ئاڤا ئامێدیێ نهدشیا ئاڤێ پالدهت و وهكو پێدڤی ئاڤێ بدهته وهلاتیان و گۆت: “ئهڤ ئاریشه پترین دهما د وهرزێ بهارێ دا دروست دبوو، ژ بهر وێ یهكێ ژی چارهسهركرنا ڤێ ئاریشێ كارهكی فهر بوویه، لهو ژ بۆ چارهسهركرنا ڤێ ئاریشێ گوژمێ ئێك ملیار و پێنجی ملیۆن دیناران ژ لایێ حكومهتا ههرێما كوردستانێ و رێكخراوا یونیسیف ڤه هاتینه تهرخانكرن و بۆ راكێشانا بۆریهكا ئاڤێ یا سهرهكی ژ بهنداڤا گهلیێ رهشاڤا یا پڕۆژهیێ هایدروپاوهرێ دێرهلۆكێ بۆ پڕۆژهیێ ناڤبری”.
ههروهسا دهڤـــهردارێ ئامێدیێ پشتهڤانیا خوه ژی بۆ ههر هاریكاری و ههڤـكاریهكێ نیشا دا ژ پێخهمهت خزمهتكرنا دهڤهرێ و نههێلانا ئاریشه و ئاستهنگێن د كهڤنــه د رێــــكا كارێ رۆژانــــه یێ پـــــڕۆژهیی دا.
