من بزاڤا كری كەسێن بەرانبەری خوە رازی بكەم
سندس سالح سلێڤانەیی:
وێنەگر(رەمەزان حسێن رەمەزان) د دیدارەكێ دا بۆ رۆژنامەیا ئەڤرۆ دیاركر كو ل سالا 2015 وی دەست ب كارێ وێنەگریێ كریە و هەڤالێن وی گەلەك هاریكاریا وی كرینە و كارێ وی یێ ئێكێ گرتنا وێنەیێن بووك و زاڤا یان بوو.
هەروەسا گۆت: ژبلی هاریكاریا هەڤالان من گەلەك مفا ژ یوتیۆبی ژی دیتیە و گەلەك تشتان ژێ فێربوویمە، نوكە ژی ئەز بزاڤێ دكەم رۆژ بۆ رۆژێ بۆ گرتنا وێنەیان هزرێ د گرتەیێن نوو دا بكەم، چنكو نوكە سەردەمێ لەزێ یە و بەردەوام گوهۆڕین د هەر بۆارەكی دا یێ پەیدا دبن و دڤێت ئەم ژی وەك وێنەگر ڤێڕا بگەهین و خوە ل گەل بگونجینین، بۆ زانین ژبلی داوەتان من گەلەك بەرنامەیێن تەلەفزیۆنی و كلیپێن سترانبێژان و ئاهەنگ و چالاكیێن جودا وێنەكری نە و من بزاڤا كری كەسێن بەرانبەری خوە رازی بكەم، ئانكو ئەو فوتۆ و ڤیدیۆێن ئەز بۆ چێدكەم ب دلێ وان بن، بۆ پاشەرۆژێ ژی من ل بەرە جهەكێ باشتر ڤەكەم دابشێم پتركارەكێ پرۆفیشنیال بكەم.
