من جه‌نه‌ڕال نیم. .. ئه‌ز پێشمه‌رگه‌م
ده‌ستپێكێ، بۆ من گه‌له‌كا ب ساناهیه كو پێناسه و ناساندنه‌كێ بۆ ئیدیه‌مێ ژه‌نه‌ڕال بكه‌م، لێ ب ڕاستی پڕ ب زه‌حمه‌ته ئیروَ بكارم د رێیا چه‌ند په‌یڤ و هه‌ڤوَكه‌كان و ب شێوازه‌كێ زانستی و ل دووڤ پیڤه‌رێن ستانده‌رێ جیهانیێ له‌شكری و سه‌ربازیێ پێناسه و سالوخه‌تێن (پێشمه‌رگه) ی دابرێژم ژ به‌ر ڤێ ئێكێ یه حه‌تا نها چو كه‌س و لایه‌ن و سازیێن سیاسی و له‌شكری نه‌شیاینه نهێنیا پابه‌ندبوونا (مه‌سعود بارزانی) سه‌روَكێ هه‌رێما كوردستانێ ب پله‌یا (پێشمه‌رگه) شڕوَڤه و پێناسه بكه‌ن، هه‌ر چه‌ند ئه‌و سه‌ركرده‌یێ گشتیێ هێزێن پێشمه‌رگه‌ێن كوردستانه. ژه‌نه‌ڕال ئانكو هنه‌ك جار دبێژنێ كوَلونێل باڵاترین پله‌یا سه‌ربازیه ل هنه‌ك وه‌ڵاتێن جیهانێ. د ناڤ ته‌خا له‌شكریا پڕانیا ده‌وله‌تان بتنێ ئێك كه‌س ب پله‌یا ژه‌نه‌ڕال ئانكو كوَلوَنێل هه‌یه كو ئه‌وژی پێدڤیه فه‌رمانده‌یێ گشتیێ هێزێن چه‌كداربیت. ناڤ و ناڤنیشانا ژه‌نه‌ڕالیێ لدوف جوَر و توخمێ پسپوریا له‌شكری دهێته‌گوهرین ، بو نمونه ئه‌گه‌ر هێزێن ده‌ریایی بن دبێژنێ (ئه‌دمیڕال) و هه‌كه هێزێن ئه‌سمانی بن دبێژنێ (مارشال). ژ ئالیه‌ك دن مه‌رج نینه نازناڤێ ژه‌نه‌ڕال و ڕاهاتنێن ده‌ستهه‌ڵاتا وێ هه‌رده‌م وگاڤ ئه‌رێنی و پوَزه‌تیف بن، چونكی دیروَك و ژیانا حوكمداریا گه‌له‌ك ژ ژه‌نه‌ڕاڵان پڕه ژ دیكتاتوَرییه‌ت و زولم و خوین ڕشتنێ و ڕه‌نگه پڕانیا وان ژی درێكا كوَده‌تاێن سه‌ربازی و ب پشته‌ڤانیا پیلان و نه‌خشه‌ێن ده‌ره‌كی كورسیكێن ده‌سته‌ڵاتێ بده‌ست خوه ڤه ئینابن، لێ به‌لێ مه‌رگێ ده‌ستهه‌ڵاتا وان ژی ب شوَره‌شێن ئازادیخوازێن گه‌لێن وان هاتیه ، وه‌كی (ئوَغێستوَ پینوَشێ) ل وه‌ڵاتێ (شیلی) و (عێدی ئه‌مین) ل (ئوَغنده) و (تشاوسیكوَ) ل (ڕوَمانیا) و گه‌له‌ك ژه‌نه‌ڕالێن عه‌ره‌ب ژ. له‌وڕا (مه‌سعود بارزانی) ل زوَربه‌ی داخویانی و دیدار و چاڤپێكه‌فتن و سیمینار و په‌نه‌لێن جیهانی و ناڤخوَ و ڕوَژنامه‌ڤانیدا خوه وه‌كی (پێشمه‌رگه) پێناسه دكه‌ت و ب پله‌یا (پێشمه‌رگه) سه‌ركردایه‌تیا شه‌ڕێن ئاشتیێ دكه‌ت و ل دووڤ هه‌ر هه‌مان ده‌سه‌ڵات داخوازا كوردستانیبوونا پێشمه‌رگه‌ی دكه‌ت و له‌قه‌با ژه‌نه‌ڕال بوونێ ڕه‌تدكه‌ت، ل ده‌ستپێكێ من خوه‌یا كر كو ڕوَژه‌ك دهێت (پێشمه‌رگه) وه‌كی موَدرێنترین و باڵاترین پله و مه‌دالیا یاسه‌ربازی و له‌شكری لسه‌ر ئاستێ جیهانێ ل شه‌ڕێ به‌رنیاس ب (جه‌نگێ تیڕوَڕیستا) دهێته توَماركرن. له‌وا پێدڤیه ئیدیه‌ما (پێشمه‌رگه) وه‌كی پله‌یا (ژه‌نه‌ڕال) و (ماڕشال) و (كوَلوَنێل) و (ئه‌دمیڕال) ل به‌رچاڤ بهێته وه‌رگرتن چونكی پێشمه‌رگه‌ی ب كریار و خوین به‌ری ته‌ڤایا ئه‌ڤان پله و پایه‌یان قوربانی و شه‌هیدبوون ژ پێخه‌مه‌ت قڕكرنا تیروَرێ به‌خشیه. بێگومان بارزانی سه‌ركرده و فه‌رمانده‌یه‌كێ گرنگێ ڕوَژه‌ڤا شه‌ڕێ تیڕوَرێ و ئازادبوونا گه‌لێن ده‌ڤه‌رێ یه، له‌وڕا پێدڤیه ئه‌مریكا و ئه‌وروپا و گه‌ل و میلله‌ت و حوكمه‌تێن ده‌ڤه‌رێ، وێ ڕاستیێ بزانن كو نكارن ب هیچ شێوه‌یه‌ك نه‌خشه‌و دیزاینێن قڕكرنا ئابوریا كوردستانێ دابڕێژن . چونكی سه‌رخه‌بوونا ئابووریا ئازاد ل كوردستانێ دبیته ئه‌گه‌را هه‌لوه‌شیانا نه‌خشه‌ێن (سایكس ـ پیكوَ) و داڕشتنا سنۆرێن ده‌وله‌تا خوێنێ. ئه‌و ده‌وله‌تا كو سه‌روَك بارزانی دبێژیت : ((خه‌ونا منه ڕوَژه‌كێ ده‌وله‌تا كوردی ببینم)).
