من دڤێت ببمە ئێك ژ باشترین ستێرێن هونەری
بێوار حەمدی:
سترانبێژ(جادر زاخۆیی) كو ناڤێ وی یێ دروست (جادر عیسا) یە، د دیدارەكێ دا بۆ رۆژنامەیا ئەڤرۆ گۆت: هەتا نوكە من نێزیكی (10) كلیپان بەلاڤكرینە و ئەگەرێن كێم دەركەفتنا من لڤێ دووماهیێ نەبوونا پەیڤ و ئاوازێن باشە، چنكو ئەو بۆ سترانێ دباشن و هەر دەمێ هەبوون دێ بێژم و هەكە نەبوون ژی دێ بێ دەنگ مینم و لەزێ ناكەم، چنكو من نەڤێت سترانەكێ تۆماربكەم و خەلك یێ ژێ رازی نەبیت. هەروەسا گۆت: ئەو سترانێن من بەلاڤكرین ناڤەرۆكا پتریا وان ل دۆر ئەڤینیێ نە، هەلبەت ئەڤینا راست و پاقژ، دەربارەی كلیپكرنا وانژی ل دووف ناڤەرۆكا سترانێ و سیناریۆیێ دمینیت كا پێدڤی دكەت كچ وەك ئەكتەر ل گەل دا بیت یان نە و من سترانێن باش حازركرینە و دخوازم ل دەمێ گونجای وانژی تۆماربكەم، ژبەركو من دڤێت ببمە ئێك ژ باشترین ستێرێن هونەری.
