من دڤێت شوون-تبلێن من ل دهۆكێ هەبن
هێلین سالم:
پەیكەرسازێ گەنـــــــــــج (ئەحمەد حسێن) د دیدارەكێ دا بۆ رۆژنامەیا ئەڤرۆ دیاركر كو دژیەكێ بچووكدا وی حەزژ چێكرنا پەیكەران دكر و هەتا نوكە پشكداری د چێكرنا هژمارەكا پەیكەران دا كریە و دێ یێ بەردەوام بیت.
ناڤهاتی گۆت: من ل گەل چەند مامۆستایێن پەیكەرساز پشـــــــــــــــــــــكداری د چێكرنا پەیكەرێن (نەمر مستەفا بارزانی ل زانكۆیا زاخۆ، پانۆراما ئازادی، تەحسین تاها، بەكربەگێ ئەرزی، (پیرخدر) و گەلەكێن دی، بۆ زانین پشتی من پەیمانگەها هونەرێن جوان ب دووماهی ئینای شیانێن من پتر لێ هاتن و ئەز شیام ب شێوەیەكێ ئەكادیمی تر كاربكەم و حەزدكەم ل پاشەرۆژێ شوون تبلێن من ل دهۆكێ دیاربن، بۆ زانین من و هەڤالێ خوە ماموستا (ئەرشەد خەلەف) پەیكەرێن هەسپان ئەوێن دكەڤنە پێكڤە نووژەن كربوون چنكو گەلەك بێ سەروبەر ببوون مەدڤیا دوبارە جوانیا وان بزڤڕینەڤە، هەروەسا ئەز وێنە و كەڤالان ژی چێدكەم، لێ پتر حەزژ كارێ پەیكەرسازیێ دكەم، هەروەسا من و هەڤالان گەلەك پرۆژە ل بەر دەست هەنە، وەك ڤەكرنا پێشانگەهان، لێ ژبەر نەبوونا پشتەڤانیێ نەشیاینە، چنكو سەندیكا هونەرمەندان پووتەی ب هونەرمەندێن شێوەكار نادەت، لەورا داخوازێ ژ جهێن شۆلەژێ دكەین خوە ل پەیكەرسازان بكەنە خودان، چنكو گەلەك وەلاتێن جیهانێ ب پەیكەر و كەڤالان بەرنیاس بووینە و بووینە جهێن گەشتیاری.
